![REAL Hərəkatı ərzaq bazarındakı vəziyyətlə bağlı təkliflər edib](https://turan.az/resized/750/500/resize/media/2015/main/022600108025.jpg)
REAL Hərəkatı ərzaq bazarındakı vəziyyətlə bağlı təkliflər edib
Kiçik və orta sahibkarlara “süni qiymət artımı” və “möhtəkirliklə mübarizə” tədbirləri adı ilə sərt basqıların məqsədi sərt devalvasiyasının doğurduğu sosial nəticələrin məsuliyyətini hökumətin üzərindən kiçik və orta sahibkarların üzərinə keçirməkdir. Bu barədə REAL Hərəkatının bəyanatında bildirilir.
Sənəddə qeyd edilir ki, rəsmi qurumlar onsuz da zəif olan kiçik və orta biznesə nəzarəti və müdaxilələri sərtləşdirməklə manatın devalvasiyasının iqtisadi nəticələrini, xüsusilə aztəminatlı əhalinin itkilərinin kompensasiyasını da sahibkarların hesabına ödətmək istəyir.
«Bazar iqtisadiyyatı qanunlarının, məhkəmə sisteminin effektiv çalışdığı sağlam və ədalətli rəqabət mühiti şəraitndə rəsmi təbliğatda tez-tez istifadə olunan "süni qiymət artımı", "möhtəkirlik" mümkün deyil. Əks halda qiymətləri artırmaq hesabına varlanmaq istəyən sahibkarlıq subyektləri rəqabətdə dərhal uduzar, qanunlar onları sərt şəkildə cəzalandırar. Son 1 ildə qlobal miqyasda ərzaq məhsullarının qiyməti orta hesabla 10 faiz ətrafında ucuzlaşıb. Ərzaq ehtiyaclarının ən azı 50 faizi idxal hesabına formalaşan Azərbaycanda isə ötən il ərzaq məhsulları təxminən 1.5 faiz bahalaşdı. Buna səbəb pərakəndə ticarət şəbəkələri deyil, ərzaq idxalını inhisarda saxlayan iqtisadi qruplar və onların bu qanunsuz fəaliyyətinə şərait yaradan səlahiyyətli dövlət qurumlarıdır”, deyə REAL bəyan edir.
Sənəddə bildirilir ki, yaranmış vəziyyətdə hökumətin atacağı ilk addım idxal üzərində inhisarçılığı tamamilə aradan qaldırmaq, istənilən sahibkarın idxal fəaliyyətinə şərait yaratmaq və inzibati maneləri aradan qaldırmaq olmalıdır. Devalvasiyanın qiymət artımına mənfi təsirlərini azaltmaq üçün atılacaq başqa bir addım ölkədə ümumiyyətlə istehsal olunmayan, yaxud daxili tələbatın əhəmiyyətli hissəsi idxal hesabına ödənilən zəruri qida məhsullarına tətbiq olunan gömrük ödənişləri azaldılmalı və ya müəyyən müddətə vergidən azad edilməlidir.
Eyni zamanda nəzərə almaq lazımdır ki, daxildə istehsal olunan bir sıra məhsulların xammal və yarımfabrikatları idxal olunur. Sərt qiymət müdaxilələri nəticəsində idxalın gəlirsiz olması həmin sahibkarları ya məhsul istehsalından imtina etməyə, ya da daha keyfiyyətsiz və ucuz xammal və yarımfabrikatlardan istifadəyə vadar edə bilər.
REAL Hərəkatı hökumətdən onsuz da zəif vəziyyətdə olan orta və kiçik sahubkarlarlıq institutlarının daha da gücdən düşməsinə yönəlik inzibati addımlardan çəkinməyə, bütün bəhanələri kənara qoyaraq Ümumdünya Ticarət Təşkilatına üzv olmağa çağırır. 08D
-
- Söz istəyirəm
- 26 Fevral 2015 13:17
-
- Cəmiyyət
- 26 Fevral 2015 13:35
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz