- İqtisadiyyat
- 28 İyul 2015, 14:36
- 166
Rəsmi Bakı DB və BVF-yə maliyyə sektoru üzrə nəticələri dərc etməyi qadağan edib
Dünya Bankı bir həftə əvvəl 2015-2020-ci illərdə Azərbaycan üçün tərəfdaşlıq üzrə çərçivə sənədini (CPF) təsdiq etsə də, onun məzmunu məxfi olaraq qalır.
CPF Beynəlxalq Yenidənqurma və İnkişaf Bankı (IBRD), Beynəlxalq Maliyyə Korporasiyası (IFC) və Çoxtərəfli İnvestisiya Zəmanətləri Agentliyinin (MIGA) Azərbaycanda davamlı, inklyüziv və özəl sektora yönələn əməliyyatlarını tənzimləyir.
Sənədin açıqlanmasına Azərbaycan hökuməti qadağa qoyub. O, əvvəllər Beynəlxalq Valyuta Fondunun maliyyə sektorunun qiymətləndirilməsinin ikinci proqramının (FSAP) açıqlanmasını qadağan etmişdi. BVF-nin icraçı direktoru iyulun 17-də bu ilin yazında keçirilən Maliyyə Sektorunun Sabitliyinin Qiymətləndirilməsinə baxılmasını başa çatdırıb. Amma rəsmi Bakı onun açıqlanmasını qadağan edib.
BVF və DB FSAP-ı 2-17 martda həyata keçirib. Buraya maliyyə sektorunun inkişafı və sabitliyinin qiymətləndirilməsi daxil edilmişdi. Hüquqi, tənzimləyici və nəzarət məsələlərinə, əsas maliyyə xidmətlərinə, kapital bazarı və ipotekaya, maliyyə resurslarının əlçatanlığına xüsusi diqqət ayrılmışdı.
İyunda BVF missiyasının rəhbəri Raca Almarzuqi məlumat verdi ki, nəticə və tövsiyələr sentyabrdan tez olmayaraq açıqlanacaq. Sənəddə manatın devalvasiyasından sonrakı vəziyyət, iqtisadiyyatın dollarlaşmasına qarşı, manatı dollara dəyişənlərə qarşı tərbirlər, Əmanətlərin Sığortalanması Fondunun qəbul etməli olduğu tədbirlərlə bağlı tövsiyələr əksini tapmalı idi.
Məlumdur ki, maliyyə sektoru dərin böhran yaşayır, bu, manatın devalvasiyası və ABB-nin probelmlərindən sonra başlayıb. Hökumət bu problemləri pərdələmək istəyir, ona görə gerçəkliklərin açıqlanmasını istəmir.
FSAP-da yoxsulluğun 4%-ə endirilməsi və orta sinfin 4%-dən 29%-ə genişləndiirlməsi nəzərdə tutulur. Ekspertlərə görə, orta sinfin 4% olmasının etirafı iqtisadi inkişafın geri qaldığını göstərir. Həmçinin hesab edilir ki, dərinləşən böhran şəraitində orta sinfin planlaşdırılan artımı mümkün deyil.
2011-2014-cü illərdə DB-nin Azərbaycanla Əməkdaşlıq Strategiyasının nəticələri də məlum deyil. 2010-cu ilin oktyabrında DB məlumat verdi ki, idarəetmə və institusional quruculq, korrupsiya ilə mübarizə vasitəsi kimi Strategiyada mərkəzi yer tutacaq. Bu məqsədlə $1 mlrd ayrılacaq. DB-nin Azərbaycanla Əməkdaşlıq Strategiyası iki əsas istiqaməti əhatə edirdi: işgüzar iqlimi yaxşılaşdırmaqla qeyri-neft sektorunun inkişafı, sosial xidmətin səmərəsinin artırılması. Sənəddə 19 sahə üzrə layihə və proqramlar əhatə olunurdu. Müxtəlif beynəlxalq və yerli hesabatlar göstərir ki, işgüzar iqlim yaxşılaşmayıb, sosial xidmətdə müsbət irəliləyiş var.
2014-cü ildə korrupsiya ilə mübarizədə cüzi yaxşılaşma olub. Transparency International reytinqində Azərbaycan 134-143-cü yerdən 126-cı yerə düşüb, bu isə əsasən ASAN-ın sayəsindədir.–0—
-
- Cəmiyyət
- 28 İyul 2015 14:30
-
- İqtisadiyyat
- 28 İyul 2015 15:19
İqtisadiyyat
-
İqtisadi Araşdırmalar Mərkəzinin İdarə Heyətinin sədri Qalib Toğrulun rəhbərlik etdiyi araşdırma, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
-
Azərbaycan Dəmir Yolları QSC (ADY) 2025-ci ilin yanvar ayında 713,699 sərnişin daşıyıb ki, bu da ötən ilin eyni dövrü ilə müqayisədə 15% artım deməkdir, şirkət çərşənbə axşamı bildirib.
-
Ötən həftə Azərbaycan mediası pərakəndə çörək qiymətlərinin artacağı barədə məlumat yayıb, bu artımı məhsulun çəkisinin artmasına bağlayıb. Növbəti gün rəsmi bildirişdə hökumətin ölkədə çörək qiymət artımını sanksiyalaşdırmaq niyyətində olmadığı təsdiqlənib. Lakin, bu əsas qida məhsulunun qiymətinin artmasının başqa bir səbəbi ilə təhdid qalır.
Rəy yaz