Sahibkarlar işçiləri bədbəxt hadisələrdən sığorta edəcəkmi?

Ötən il hər sahibkar istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 47 manat ödəyib. 150 min işçisi olan Təhsil Nazirliyi və sahibkarlıqla məşğul olan fiziki şəxslər də bura daxildir. 

 Mütləq rəqəmlərlə bu, əvvəlki ildəkindən 14,9% çoxdur. Əslində isə işəgötürənlər muzdlu işçilər üzrə obyektiv məlumatları gizləyir. Vergilər Nazirliyinin məlumatına görə, ölkədə 463 min sahibkar var. Onların beşdə biri real məşğulluğu təmin edir. Bütün təbii inhisarçılar və iri biznesmenlər sığorta şirkətləri ilə müqavilə bağlayıb. 

 Ekspertlərin fikrincə, bu ayırmalar üzrə nəzarəti gücləndirməyin vaxtıdır. Çünki bu, pensiya təminatı və ölkə büdcəsinin sosial yükünə təsir edir. 

 Dövlət Sığorta Nəzarəti Xidmətinin məlumatına görə, bu növ 2012-ci ildə şirkətlərə 21 mln 725,46 min manat gətirib. Sığorta ödənişi 1 mln 179,05 min manat olub. Müqayisə edək – 2011-ci ildə bu növ üzrə sığortaçıların məcmu mükafatları 18 mln 900,72 min manat, ödənişləri 292,38 тmin manat təşkil edib. 

 Rəqəmlər göstərir ki, bu maliyyə istiqaməti ən əlverişlidir, burda sığortanın sadəcə adı var. 

«İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında» qanun 2010-cu ildə təsdiq edilib. 17 dekabrda Maliyyə Nazirliyi normativ-hüquqi aktları təsdiq edib. 

2010-cu ilin noyabrında Nazirlər Kabinetinin təsdiq ertdiyi tariflərlə iqtisadi fəaliyyət növləri 14 risk dərəcəsinə bölünüb. Müəssisənin risk dərəcəsindən asılı olaraq sığorta ödənişi həcmi 0,2%-2%-dir. 

Bundan başqa, 2011-ci ildən dövlət və büdcə təşkilatlarında işlətyənlərin sığortası üçün hər il dövlət büdcəsinin xərclər hissəsinə istehsalatda bədbəxt hadisələr və peşə xəstəliklərdən icbari sığorta üzrə 10,03 mln manat ayrılır. 

Qanuna əsasən, sığorta tarifi müəssisənin maaş fonduna köçürülür. Qanun 3  sığorta ödənişi növünü nəzərdə tutur: aylıq, bir dəfəlik və əlavə. --17D—