Səhmdar cəmiyyətlərdən «şikayət mövsümü» açılıb

Bu ilin yanvarında Qiymətli Kağızlar üzrə Dövlət Komitəsinə 136 səhmdar cəmiyyətdən şikayət daxil olub. 

Yanvarda sanki «şikayət mövsümü» açılır. Məsələn, 2013-cü ilin yanvarında da bu qədər SC-dən şikayət daxil olub. Amma ötən il müraciət sayı (40) bu ilkindən (25) çox idi. 

Azərbaycanda səhmdarların hüquqlarının məhdudlaşdırılması bu rəqəmlərlə bitmir. Səhmdarlar bildirir ki, QKDK heç də hər zaman müraciətlərə adekvat yanaşmır, ona görə bu quruma çox az şikayət edirlər. 

Yanvarda QKDK 24 SC-yə 40,5 min manatlıq inzibati sanksiya tətbiq edib. 2013-cü ilin oktyabrından səhmdarların hüquqlarının pozulmasına görə cərimə məbləği artırılıb. Amma bu, onların hüquqlarının pozulmasını azaltmır. 

SC-lərin çoxu əmlakın dövlətsizləşdirilməsi nəticəsində yaradılıb. Səmh nəzarət paketi sahibləri minoritar səhmdarlara özgə xərcinə dolanan adam kimi baxır. Bir çox SC-lər ümumi yığıncaq keçirmir, səhmdarlara müvafiq sənədləri vermir, səhm sahiblərinin reyestrini aparmır, dividend vermir və s. 

Səhmdarların çoxu özəlləşdirilən SC-lərin əmək kollektivinin üzvüdür. Praktika göstərir ki, bu səhmdarlar rəhbərliyin qanunsuz hərəkətlərinə loyal yanaşır. Aktiv səhmdarlar təbəqəsi formalaşıb və onlar öz hüquqlarını həmçinin məhkəmədə qoruyur. 

Səhmdarların hüquqlarının mütəmadi pozulması ona gətirib çıxarır ki, investorlar səhmdarların sırasını tərk edir. Bu, fond bazarına mənfi təsir göstərir. Nəzarət strukturu səhmdarların hüquqlarının pozulmasına görə müqəssirləri, məsələn, İH və Direktorlar Şurasının rəhbərini yox, hüquqi şəxsi cəzalandırır. Nəticədə şikayətçi özü ziyana düşür. Axı hüquqlarının pozulmasına görə səhmdarlar – şirkətin təsisçiləri ödəniş edir.  

   Ekspertlərə görə, 2014-cü il səhmdarların hüquqlarına əməl edilməsində dönüş ili olacaq. Korporativ idarəetməni qəbul etməyən bir çox şirkətlər ya ləğv ediləcək, ya da onun minimal çərçivəsinə uyğunlaşacaq..-08B—