Siqaret idxalı azalıb
Bu ilin 10 ayında Azərbaycanda tütün və tütün məhsullarının idxalının həcmi dəyər ifadəsində 21,3% azalıb. Bu barədə Dövlət Gömrük Komitəsinin məlumatında deyilir.
Tütün məmulatlarının idxalı və ixracı haqqında ətraflı məlumat yanvar-sentyabr aylarına aiddir. Bu dövrdə xaricdən 8 mlrd. 832,4 mln. ədəd (441 618 500 qutu) siqaret alınıb ki, bu da 2014-cü ilin müvafiq dövrü ilə müqayisədə 9,3% azdır. Əgər 2014-cü ilin 9 ayında idxalçılar ümumi məbləği $283 mln. 258,9 min həcmində mal bəyan etmişdilərsə, 2015-cü ilin həmin dövründə idxalın həcmi $223,9 mln. (-21%) təşkil edib.
DGK-nın məlumatına görə, bu ilin üç kvartalında bir qutu siqaretin (20 ədəd) bəyan edilmiş orta qiyməti $0,522 təşkil edib, halbuki, 2014-cü ilin həmin dövründə bu $0,582 olub.
Dövlət Statistika Komitəsinin məlumatına görə, bu ilin 9 ayında Azərbaycanda siqaretin pərakəndə qiyməti 62% artıb. Hazırda siqaretin qutusu pərakəndə satışda orta hesabla 1,40 manata təklif olunur.
Azərbaycanda siqaret istehlakında yerli istehsalın payına təxminən 10% düşür. Bu ilin 9 ayında 1 mlrd. 459,1 mln. ədəd siqaret qablaşdırılıb ki, bu da 2014-cü ilin analoji dövründə olduğundan 2,1% azdır. Statistikaya görə, yerli siqaret ƏDV və aksiz nəzərə alınmadan bir qutuya görə 0,26 manatadır.
Azərbaycana siqaret əsasən Rusiya 5 839,98 mln. ədəd, Ukrayna - 2 603 mln. ədəd, Almaniya – 376,84 mln. ədəd və Türkiyədən - 12,46 mln. ədəd göndərilir. Bu il Ukraynadan və Almaniyadan siqaret tədarükü azalıb (-469 mln. ədəd və -190,9 mln. ədəd) azalıb.08B
-
- İqtisadiyyat
- 24 Noyabr 2015 12:50
-
- İqtisadiyyat
- 24 Noyabr 2015 13:13
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz