Azərbaycan elektrik enerjisi və istilik istehsalında mazutun payını artırır

  Fevralın 23-də Tarif Şurası mazutun qiymətini 300 manatdan 100 manata endirdi.

Səbəb barədə məlumat verilmir, amma statistik məlumat və istilik vermə mövsümünün təxirə salınması göstərir ki, hökumət elektrik enerjisi və istilik istehsalında qazı ucuz mazutla əvəvz etmək istəyir.

Bu ilin yazından neft məhsulları və mazut ixracı azalır. Əgər apreldə 126,4 min ton ixrac olubsa, mayda bu göstərici 109,3 min ton təşkil edib.

2014-cü ildə Azərbaycan 200 min ton mazut istehsal edib. Bu, Rusiyadakından (78 mln ton) xeyli azdır.

Statistika göstərir ki, Azərbaycan mazut idxalını kəskin artırıb. 2015-ci ilin yanvar-mayında təkcə Qazaxıstandan Azərbaycana $9 mln məbləğində 40,5 min ton mazut ixrac edilib. Bu, ötən ilin eyni dövründəkindən 14 dəfə çoxdur. Mazutun tonu 220 dollara alınıb. Bu gün Qazaxıstanda mazutun tonu 65-75 dollara təklif edilir. Rusiyada qiymət yüksəkdir -  100 dollar.

Daxili bazarda mazutdan istifadənin payının artırılması planı 2013-cü ildə hazırlanıb. Fevralda mazut üçün aksiz 49 dəfə ucuzlaşdırılıb. Məqsəd elektrik enerjisi və istilik istehsalına təzyiqin azalması,  elektrik enerjisinin bahalanmasına imkan verməməkdir. İndi mazutun qiymətinin üç dəfə ucuzlaşdırılması elektrik enerjisi istehsalının, eləcə də yüksək istehsal qiymətindən şikayətlənən paylayıcı şirkətlərin rentabelliliyini yüksəldəcək.—0—