Banklar kiçik sahibkarlar üçün nələr edə bilər?

Bakıda kiçik və orta sahibkarlığın dəstəklənməsi üzrə konfrans keçirilib.

Azərbaycan Banklar Assosiasiyasının (ABA) sədri Zakir Nuriyevin sözlərinə görə, təmsil etdiyi sektor olduqca sıxıntılı şəraitdədir və bu seqmentdə riskləri minimuma qismən daşınmaz əmlak reyesri endirə bilər ki, bunun da yaradılması təminatlı əqdlər haqqında qanun layihəsində nəzərdə tutulur. Sirr deyil ki, sahibkarlar, xüsusilə də aktivləri daşınmaz əmlaka qoyulmayan kiçik və orta sahibkarlar kredit resurslarını çətinliklə cəlb edirlər.

“Bu qanun maliyyə bazarının digər iştirakçıları üçün də vacibdir, çünki banklar iqtisadiyyatın lokomotividir, onlar bunun qəbulunda hamıdan çox maraqlı olmalıdırlar”, - o vurğulayıb.

Z.Hüseynovun fikrincə, müştərilərin informasiya bazası təkmilləşdirilməli, mühüm məlumatlar əlavə edilməlidir. Bundan ötrü “Fərdi informasiya haqqında”, “İpoteka haqqında” və s.qanun layihələrinə dəyişikliklər edilməlidir.

2008-ci ildə hazırlanan qanun layihəsi kreditorlar üçün şəffaf qaydaların təminatına, daşınan əmlakın (inventar, avadanlıq, debitor borcu) girov qismində istifadəsinin sadələşdirilməsinə, biznesin mənfəətliliyinin artırılmasına, iqtisadi artımın dəstəklənməsinə, həmçinin suveren emitentin uzunmüddətli reytinqinə yönəlib.

Qanun layihəsi daşınan əmlakın reyestrinin yaradılmasını nəzərdə tutur. Bu, verilən kreditlərin  (əsasən kiçik və orta sahibkarlıq obyektlərinə)  sayına təsir göstərəcək.

Borcalanların kredit tarixçələrinin formalaşdırılmasına 2005-ci ildə AMB yanında Mərkəzləşdirilmiş Kredit Reyestri Xidməti yaradıldıqdan sonra başlanılıb. Siyahı banklar, bank olmayan kredit təşkilatları, borcalanlar, borcalanların kapitalında iri iştirak payı sahibləri, onlar üzrə kreditlər və girovlar haqda informasiya spektrini əhatə edir.

ACAFİ layihəsi postsovet məkanının Asiya hissəsində, əsasən Azərbaycanda maliyyə infrastrukturunun təkmilləşdirilməsinə yönəlib. Bundan ötrü effektiv kredit informasiya mübadiləsi sisteminin yaradılması və peşəkar tədrisin tətbiqi, həmçinin maliyyə institutları əməkdaşları arasında risklərin idarə edilməsi sahəsində sertifikatlaşdırma lazımdır.

Bu, maliyyə müəssisələrinin kreditlərlə bağlı daha çevik və düzgün qərarlar qəbul etməsinə, özəl istehlakçılar, əsasən regionlarda kiçik və orta sahibkarlar üçün maliyyə xidmətlərindən istifadə imkanlarının artırılmasına kömək edəcək.

Sözügedən üçillik layihə İsveçrə hökuməti ilə əməkdaşlıq şəraitində həyata keçirilir.---17D—