SOCAR-ın (Azərbaycan Dövlət Neft Şirkəti) 2013-cü ildə başlanmış dörd iri enerji layihəsinə $33-35 mlrd tələb olunacaq, onlardan 65%-i cəlb edilən vəsaitlər təşkil edəcək. Bunu Reuters-a müsahibəsində şirkətin iqtisadi məsələlər üzrə müavini Suleyman Qasımov deyib.
Qasımov həmçinin qeyd edib ki, SOCAR 2013-cü ildə ümumi dəyəri $33-35 mlrd olan dörd layihənin reallaşdırılmasına başlayıb. Onlara Türkiyədə $5 mlrd dəyərində NEZ tikintisi layihəsi, dəyəri $17 mlrd olan yeni neft, qaz emalı və neft-kimya məhsullarının istehsalı kompleksinin (OGPC) yaradılması, dəyəri $8 mlrd olan Transanadolu qaz kəməri layihəsi (TANAP), həmçinin dəyəri $4 mlrd olan üzən qazma qurğunun tikintisi layihəsi daxildir. «Bu layihələrin ümumi dəyərinin 67% bank kreditləri hesabına təmin olunacaq, qalan 35%-i Azərbaycanın öz vəsaitləri ilə, əsasən Azərbaycan Dövlət Neft Fondunun hesabına maliyyələşdiriləcək» - deyə Qasımov bildirib. Qasımov qeyd edib ki, Avropa Yenidənqurma və İnkişaf Bankı (AYİB), Dünya Bankı və bəzi xarici kommersiya bankları artıq bu layihələrdən birinin, Türkiyədə yeni NEZ Star-ın tikintisinin maliyyələşdirilməsinə maraq göstərib.
NEZ Starın tikintisinin 2017-ci ilin yayında başa çatacağı gözlənilir. Star neft emalı zavodunun ümumi gücü 10 mln ton təşkil edəcək, zavoda istehsal edilən neft məhsulları isə Petkim kimya konserninin və Türkiyənin daxili bazarının tələbatının ödənilməsinə yönələcək.
2014-cü ildə SOCAR yeni neft, qaz emalı və neft-kimya məhsullarının istehsalı kompleksinin (OGPC) tikintisinə başlamağı planlaşdırır. Kompleks Bakıdan 60 km cənubda yerləşəcək. Bütün OGPC kompleksinin istismara verilməsi 2020-ci ilin sonuna planlaşdırılır. Yeni kompleksin yaradılması 1,7 mln ton hazır məhsul gücündə olan neft-kimya müəssisəsinin, ilkin neft emalında ildə 1 mln ton gücündə neft emalı zavodunun, həmçinin ildə 12 mlrd kub metr gücündə qaz emalı zavodunun tikintisini nəzərdə tutur.
SOCAR türkiyəli tərəfdaşları ilə birgə Türkiyədən Avropaya qaz nəqlini nəzərdə tutan yeni TANAP qaz kəməri tikmək niyyətindədir. Boru kəmərinin ilkin keçirtmə qabiliyyəti ildə 16 mlrd kub metr təşkil edəcək: 6 mlrd kub metr qaz Türkiyəyə, qalanı Avropaya nəql ediləcək. IV rübdə SOCAR Bakıda ilk üzən qazma qurğunun tikintisinə başlamağı planlaşdırır. Tikinti üçün tenderi Sinqapurun Keppel Fels şirkəti udub. --12D--
İqtisadiyyat
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
Rəy yaz