Yanvarın 12-də bir qrup sahibkar Sumqayıt şəhər İcra Hakimiyyətinin və şəhər Memarlıq İdarəsinin nümayəndələri ilə görüşüb. Görüş zamanı 3-cü mikrorayon ərazisində 17 kommersiya obyektinin sökülməsi ilə bağlı yayılan informasiyalardan yaranan qeyri-müəyyənlik müzakirə olunub.
«Bizi İH-nin binasında qəbul etdilər və məlumat verdilər ki, Heydər Əliyevin abidəsindən aerokassaya qədər obyektlərin sökülməsi ilə bağlı deyilənlər şayiədir», deyə görüş iştirakçılarından Yusif Həmzəyev Turan-a bildirib.
Yanvarın 9-da üçmərtəbəli «Ən Ucuz Market» ərzaq mağazası sahibkar tərəfindən boşaldılıb. Ona İH-dən şifahi şəkildə bildirilib ki, obyekt söküləcək.
Yanvarın 11-də Sumqayıtın informasiya resurslarında Sülh küçəsində 17 ticarət obyektinin, o cümlədən guya qanunsuz tikilən və şəhərin Baş Planına uyğun olmayan “Cavid Mall” ticarət mərkəzinin söküləcəyi barədə məlumat yayılıb. Sahibkarlar bildirir ki, bu obyektlərin mülkiyyət hüququnu təsdiq edən sənədləri var.
Yerli KİV Sumqayıt şəhər İcra Hakimiyyətinə istinadən bildirir ki, birincinin yerində park, ikincinin yerində avtodayanacaq tikmək planlaşdırılır.
Sahibkarlar bildirir ki, hələlik onlar "havadadır" və bundan sonra necə edəcəklərini bilmirlər. Nazirlər Kabinetinin yanvarın 10-da keçirilən iclasında prezident İlham Əliyev yerli İH orqanlarına sahibkarlara hər cür kömək etməyi və investisiyaları təşviq etməyi tapşırıb. 08B
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz