![TAP İtaliya hissəsi üçün ilkin seçim mərhələsi elan edib](https://turan.az/resized/750/500/resize/media/2015/main/032900110913.jpg)
TAP İtaliya hissəsi üçün ilkin seçim mərhələsi elan edib
Trans-Adriatik qaz kəmərinin (Trans Adriatic Pipeline, TAP) tikintisi layihəsi üzrə konsorsium qaz kəmərinin qəbul terminalı və İtaliyada boru kəmərinin quru hissəsinin tikintisi üzrə ilkin seçim mərhələsi elan edib. Bu barədə konsorsiumun elanında bildirilir.
İlkin seçim mərhələsi iki lot üzrə elan olunub: boru kəmərinin qəbul terminalının və qaz kəmərinin uzunluğu 8 km, diametri 36 düym olan quru hissəsinin layihələndirilməsi, satın alınması, tikintisi və montajı (Engineering, Procurement and Construction, EPC).
Qaz terminala TAP kəmərinin dəniz hissəsindən daxil olacaq. Burada həm də boru kəmərini idarəetmə və nəzarət mərkəzi yerləşəcək. Terminal İtaliyanın "Snam Rete Gas” qaz nəqli şəbəkəsinə qoşulacaq.
Xəbər verildyi kimi, TAP layihəsi “Mərhələ-2” çərçivəsində “Şahdəniz” yatağından təbii qazın Yunanıstan və Albaniyadan Qərbi Avropaya nəqlini nəzərdə tutur. Boru kəmərinin gücü ildə 10 mlrd. kubmetr qaz təşkil edir. Lakin tələb və təklifdən asılı olaraq bu rəqəmin 20 mlrd. kubmetrə çatdırılması mümkündür. Azərbaycan qazının bu kəmərlə nəqlinə 2020-cu ilin əvvəlinə başlanması nəzərdə tutulur.
TAP kəməri layihəsində səhmdarlar arasında paylar aşağıdakı şəkildə bölünüb: SOCAR (20%), BP (20%), “Statoil” (20%), “Fluxys” (16%), Enagás (16%) və Axpo (5%).—12D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz