ТАР seçiləndən sonra Nabucco-West-ə dəstək kampaniyası?

İyunun 28-də "Şahdəniz" konsorsiumu Transadriatik qaz kəmərinin xeyrinə seçim etdi, iyulun 1-də Aİ energetika üzrə avrokomissar Günter Ottingerin bəyanatı yaydı. Orda bildirilir ki, "Nabucco West layihəsi hələ aktualdır". Ümid yeri kimi Azərbaycanın digər qaz ehtiyatları götürülür. 

Maraqlıdır ki, ötən cümə günü BP-Azerbaijan-ın rəhbəri Qordon Birrel Bakıda marşrut seçilən zaman analoji fikir səsləndirib. O deyib ki, Azərbaycanın başqa perspektivli yataqları var, onlar kəşf ediləndən sonra əlavə kəmərlərə ehtiyac olacaq. Yəni o həm də Nabucco-West-i nəzərdə tutub.

Burda iki sual çıxır: ВР rəhbəri nədən əmindir ki, bir sıra iri qaz yataqları kəşf ediləcək, onların sayəsində Avropaya əlavə marşrut lazım gələcək, ikincisi, hansı hesablamaya görə 10 ildən sonra Nabucco-West cəlbedici layihə olmalıdır? 

Axı 2023-2025-ci illər üçün Avropa istiqamətində en sayda yeni layihələr işləyəcək, o cümlədən Şimali Amerikadan maye qaz, Afrika və Yaxın Şərq qazı.

Bu mərhələdə bu kəmər Qərbin belə lobbiçiliyi ilə həyata keçmədisə, rəqabət 10 dəfə artanda necə keçəcək? 

Məntiqlə yanaşsaq, Nabucco layihəsi, sonra onun qısaldılmış variantı olan Nabucco-West siyasi layihə olaraq qaldı və kommersiya müstəvisinə keçə bilmədi. 

Bu məsələdə ВР-nin mövqeyi aydın deyil: niyə o, siyasi layihələri dəstəklədi? Axı şirkətin “Şahdəniz” layihəsi üzrə vitse-prezidenti Al Kuk aydın şəkildə dedi ki, marşrut seçilən zaman "Transadriatik qaz kəməri ilə Nabucco-West arasında qazın qiyməti və çatdırılması cəhətdən böyük fərq vardı"… --12А--