![Tarif Şurası dərmanların qiymətinin aşağı salındığını bildirir, lakin əməldə bu, yoxdur](https://turan.az/resized/media/2015/main/122600141671-750-500-resize.webp)
Tarif Şurası dərmanların qiymətinin aşağı salındığını bildirir, lakin əməldə bu, yoxdur
Dekabrın 25-də Tarif (qiymət) Şurasının növbəti iclası keçirilib.
Tarif Şurasının məlumatında bildirilir ki, iclasda daha 1510 yeni dərman vasitəsinin qiymətləri, həmçinin Şuranın əvvəlki qərarları ilə təsdiq edilmiş 3540 dərman vasitəsinin manatın məzənnəsinin dəyişməsi ilə əlaqədar olaraq yeni qiymətləri müəyyənləşdirilib. Beləliklə, 5050 dərman vasitəsinin topdan və pərakəndə satış qiyməti və qiymətlərin qüvvəyə minmə tarixi təsdiq edilib ki, bunlardan 3661 dərman vasitəsinin qiymətləri bu gündən qüvvədədir, qiymətləri təsdiqlənmiş digər 1389 dərman vasitəsinin qiymətləri isə 25 fevral 2016-cı il tarixindən qüvvəyə minəcək.
Bununla da ilin əvvəlindən manatın məzənnəsində baş verən dəyişikliklərə baxmayaraq, qiymətləri tənzimlənmiş dərman vasitələrinin satışda olan qiymətləri ilə müqayisədə 21 faizinin qiyməti 2 dəfədən çox, 9 faizinin qiyməti 3 dəfədən çox aşağı salınıb, ümumilikdə 60 faizinin qiymətləri endirilib, 40 faizinin qiyməti isə məzənnə dəyişikliyi ilə əlaqədar orta hesabla 30 faiz artıb. Belə ki, manatın məzənnəsinin dəyişməsindən əvvəl dərman vasitələrinin qiymətləri kəskin şəkildə, 2-3 dəfədən çox, bir sıra hallarda 5 dəfədən çox, bəzi dərmanlar üzrə isə 10 dəfəyədək azaldıldığı üçün bu dərmanların qiymətləri manatın yeni məzənnəsinə uyğunlaşdırıldıqdan sonra belə yenə də tənzimləmədən əvvəlki qiymətlərdən dəfələrlə aşağıdır. Bu isə manatın məzənnəsinin dəyişdiyi dövrdə dərmanların qiymətlərinin dövlət tərəfindən tənzimlənməsinin sosial əhəmiyyətini daha da artırır.
Qərarlar və dərman vasitələrinin qiymətlərinin siyahısı Tarif Şurasının rəsmi İnternet saytında (www.tariff.gov.az) yerləşdirilib.
Qeyd edək ki, devalvasiya və dövlətin qiymətlərə nəzarət etmək cəhdlərindən sonra apteklərdə dərmanların çoxu yoxa çıxıb.
Eyni zamanda qiymət artımı müşahidə edilir ki, aptek sahibləri və tədarükçülər bunu devalvasiya ilə əlaqədar tamamilə təbii hesab edirlər. “Demək olar ki, apteklərdə satılan preparatlar 100% xaricdən gətirilir. Əgər milli valyuta təxminən 50% ucuzlaşıbsa dərmanın əvvəlki qiymətini necə saxlamaq olar”, - apteklərdən birinin sahibi Turan-a bildirib. O həmçinin qeyd edib ki, fevral devalvasiyasından sonra dövlətin qiymətləri aşağı salmaq cəhdləri bir çox dərmanın yoxa çıxmasına səbəb olub. -02D-
-
- Söz istəyirəm
- 26 Dekabr 2015 11:36
-
- Siyasət
- 26 Dekabr 2015 13:10
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz