Təhsil Nazirliyi özəlləşdirilmiş fəaliyyət sahəsini yenidən yaradıb

Nazirlər Kabineti 29 yanvarda Təhsil Nazirliyinin təsərrüfathesablı Əsaslı Tikinti və Təchizat İdarəsinin yaradılması barədə №24 qərar verib. Mütəxəssislər bildirir ki, hökumətin bu qərarı hökumət strukturlarının təsərrüfat fəaliyyətindən imtina etməsi siyasəti və bu qurumu müvafiq strukturlarının özəlləşdirilməsi üzrə addımlara ziddir. 

Yeni struktur Təhsil Nazirliyinin təsərrüfathesablı Əsaslı Tikinti İdarəsinin bazasında yaradılıb. Dövlət Əmlak Komitəsinin məlumatına görə, 20 avqust 2013-cü ildə bu qurumun  Maddi-Texniki Təchizat İdarəsi pul hərracında satılıb. İdarə Dərnəgüldə 3500 m2 sahəni tuturdu. Bu region daşınmaz əmlakın çox baha olduğu yerdir. İdarədə 22 nəfər çalışırdı. Obyekt start qiymətinə – 318 min manata satılıb. 

Turan bu qurumun qəflətən maddi-texniki təchizata ehtiyacının yaranması ilə bağlı Təhsil Nazirliyinin mətbuat xidmətinə müraciət edib. Orda bildiriblər ki, yazılı sorğu verilməlidir.   

Vəkil Əvəz Temirxan hesab edir ki, Təhsil Nazirliyinin bu iki addımı hüquqi cəhətdən uyuşmur. «Əgər təchizat funksiyası dövlət strukturunda qalırsa, fəaliyyət göstərən obyekt niyə özəlləşdirilib? Axı yeni obyekt yaradılmalıdır və o, dövlət büdcəsinə xeyli vəsait hesabına başa gələcək».   

Dövlət Özəlləşdirmə Proqramına əsasən, ticarət, təchizat və başqa kommersiya fəaliyyəti obyektləri özəlləşdirilməlidir. Buna qədər, məsələn, RİTN-in Təchizat İdarəsi özəlləşdirilib. Bundan başqa, normativ-hüquqi aktlara əsasən, dövlət özəlləşdirilən strukturların analoqu olan kommersiya strukturları yarada bilməz.   

Qanunvericiliyə zidd olaraq, özəlləşdirməyə dövlət nəzarəti yoxdur. Özəlləşdirməyə Dövlət Nəzarəti üzrə Dövlət Komissiyasının rəhbəri baş nazir Artur Rasizadədir. 2007-ci ildə yaradılan komissiya bir dəfə də toplaşmayıb. 08B