Təkrar mənzil bazarında qiymət artımı reallığa uyğun deyil

Yanvarda təkrar mənzil bazarında (TMB) qiymətlər 5% artıb. 

Ekspertlər bir neçə səbəb göstərir. Əvvəla, potensial alıcı təkrar mənzilə üstünlük verir, ikincisi, 7-15 il əvvəl tikilən mənzillər ötən ilin sonunda qazlaşdırılıb, üçüncüsü, ipoteka krediti veriməsində canlanma yaranıb. Xaricdə yaşayan azərbaycanlıların investisiyaları da rol oynayır. İstiqlaliyyət küçəsindən Pirallahıya kimi qiymətlər çox fərqlidir və orta qiymət demək çətindir. 1 kv m üçün $300-dən 5 minə qədər. 

Təklif artsa da, tələbatda artım yoxdur. Ən cəlbedici rayonlar Səbail və Xətaidir. Əvvəlki favoritlər (Yasamal, Nərimanov və Nəsimi) evlərin sökülməsi planları ilə əlaqədar rəqiblərdən geri qalır. Təklif portfelində yanvarda 75% bu rayonların payına düşüb. 

Təklifin bu 4 rayon üzrə olmasının səbəbi odur ki, yeni binalar yenidən satılır, bu rayonlar ipoteka üçün əlverişlidir. 

Əvvəllər olduğu kimi, kiçik mənzillərə üstünlük verir. Həzi Aslanov metrosu ətrafında 2 otaqlı mənzil 70-80 min manatdır. Real qiymət isə 1,5 dəfə aşağıdır. Qiyməti maklerlər və ev sahiblərinin vəziyyəti bahalandırır. Onlar evi satıb şəhər ətrafında adekvat mənzil alacaqlarından əmin deyillər. 

Əhali istehlak kreditləri üzrə nümunəvi ödəyicidir. Mənzil sahəsinin artırılması üçün borc vəsait götürür. 

Ekspertlər hesab edir ki, son ayların qiymət artımı ipoteka kreditlərinin, RF-də yaşayan azərbaycanlıların ev alması, sökülən evlərə görə verilən kompensasiyalardır. 

Bank kreditlərinin verilməsinin sadələşməsi də prosesə təkan verib. Mütəxəssislər hesab edir ki, qiymət artımı təkcə ipoteka ilə izah oluna bilməz. Belə davam etsə, qiymətlər yenə bahalana bilər. 

Yanvarda başqa iri şəhərlərdə təkrar mənzil bazarında əktivləşmə və nisbi bahalanma olub. 

Arayış üçün: ötən il daşınmaz əmlak bazarının ümumi dövriyyəsi 38,6% artaraq 3 mlrd 495 mln 675 min manat olub. 

Mərkəzi Bank vasitəçilərin (rieltor, banklar, notariat) rolunun 26% artdığını bildirib. Vasitəçilərin payı 399 mln 119 min manat olub. Bir ilə əvvəl bu göstərici 316,8 mln manat idi. --17D--