“TotalEnergies” Azərbaycanda metan emissiyalarını aşkar etmək üçün AUSEA texnologiyalarından istifadə edir

“TotalEnergies” Azərbaycanda metan emissiyalarını aşkar etmək üçün AUSEA texnologiyalarından istifadə edir

Fransanın “TotalEnergies” şirkəti ilə Azərbaycan Respublikasının dövlət neft şirkəti (SOCAR) arasında metanın aşkarlanması və ölçülməsində AUSEA texnologiyasının tətbiqi üzrə əməkdaşlıq müqaviləsi imzalanıb.

SOCAR Braziliyada “Petrobras” və Anqolada “Sonangol” şirkətləri ilə birlikdə COP28 tədbirləri çərçivəsində Dubayda elan edildiyi kimi 2030-cu ilə qədər sıfır metan emissiyasına nail olmaq üçün xüsusi dronların istifadəsi üzrə tərəfdaş olmaq üçün “TotalEnergies” tərəfindən seçilib.

Azərbaycanda AUSEA ilk olaraq Xəzər dənizindəki “Abşeron” qaz yatağında tətbiq olunacaq və SOCAR-ın Azərbaycandakı digər layihələri çərçivəsində sonrakı kampaniyalara başlanacaq.

AUSEA texnologiyası “TotalEnergies”, Fransa Milli Elmi Tədqiqat Mərkəzi (CNRS) və Reims Şampan-Arden Universiteti tərəfindən işlənib hazırlanmış, neft və qazdan metan emissiyalarının yüksək dəqiqliklə aşkarlanmasını və kəmiyyətinin müəyyən edilməsini təmin edən ətraf mühit tətbiqləri üçün havadan ultra yüngül spektrometrdir.

AUSEA metan və karbon qazı emissiyalarını aşkar etmək və eyni zamanda onların mənbəyini müəyyən etmək qabiliyyətinə malik, drona quraşdırılmış miniatür ikili sensordan ibarətdir. Bu texnologiya hazırda metan emissiyalarının aşkarlanması və ölçülməsi üçün dünyada ən dəqiq texnologiya hesab olunur.

Xatırladaq ki, Xəzər dənizinin Azərbaycan sektorunda, Bakıdan təxminən 100 km cənub-şərqdə yerləşən “Abşeron” yatağında 2023-cü ilin iyul ayından qaz hasilatı aparılır (operator - JOCAP).

SOCAR 2023-cü ildə yataqda hasilatın 707 milyon kubmetr təbii qaz hasil ediləcəyini, 2024-cü ildə isə “Abşeron”da işlənmənin 1-ci fazasında ən yüksək həddə - 1,5 milyard kubmetr qaz hasil ediləcəyini gözləyir.

2028-ci ildə “Abşeron”un işlənməsinin 2-ci mərhələsinin başlanması istisna edilmir.

Rəy yaz

İqtisadiyyat

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti