![Türkdilli dövlətlərin Əməkdaşlıq Şurası Sammitinin Bişkek Bəyannaməsi imzalanıb](https://turan.az/resized/media/2012/main/082300008512-750-500-resize.webp)
Türkdilli dövlətlərin Əməkdaşlıq Şurası Sammitinin Bişkek Bəyannaməsi imzalanıb
Türkdilli dövlətlərin Əməkdaşlıq Şurasının (TDƏŞ) II Sammiti Bişkek Bəyannaməsi imzalanması ilə başa çatıb. Sammitdə Qazaxıstan, Türkiyə, Qırğızıstanın dövlət başçıları iştirak edib. Azərbaycanı baş nazir Artur Rasizadə təmsil edib. Sammit çərçivəsində üç sənəd imzalanıb:
-Türkdilli Ölkələrin Əməkdaşlıq Şurasının maliyyələşməsi qaydaları,
- Türk Akademiyasının yaradılması,
- Türk Mədəniyyətinə Dəstək Fondunun yaradılması.
Türk Mədəniyyətinə Dəstək Fondunun mənzil qərargahı Bakıda yerləşəcək.
TDƏŞ 2009-cu ildə Qazaxıstan prezidenti Nursultan Nazarbayevin təşəbbüsü ilə yaradılıb. Üzvləri Qazaxıstan, Türkiyə, Qırğızıstanın və Azərbaycandır. İlk sammiti 21 oktyabr 2011-ci ildə Almatıda keçirilib.
Qırğızıstan KİV-nin verdiyi məlumata görə, sammitin yekununda Qazaxıstan prezidenti Nursultan Nazarbayev deyib ki, Türkiyə, Gürcüstan, Azərbaycan, Qazaxıstandan keçən nəqliyyat qovşağının işə salınması üzrə nəqliyyat və gömrük orqanları rəhbərlərinin görüşü barədə protokol qəbul edilib.
Qırğızıstan prezidenti Almazbek Atambayev qeyd edib ki, növbəti sammit 2013-cü ildə Azərbaycanda keçiriləcək və orada «vacib iqtisadi və siyasi məsələlərə baxmaq» planlaşdırılır.
Əməkdaşlıq Şurasında sədrlik Qazaxıstandan Qırğızıstana keçib.
Avqustun 22-də Türkiyənin XİN başçısı Davudoğlu bəyan edib ki, Şuranın yeni bayrağı olacaq. Onun sözlərinə görə, yeni bayraq hər 4 dövlətin iştirakını rəmzləşdirəcək – Qırğızıstan bayrağından Günəş, Azərbaycandan ulduz, Türkiyədən aypara, Qazaxıstan bayrağından rəng götürüləcək. Yeni bayraq artıq təsdiqlənib.
Türkmənistanla Özbəkistan TDƏŞ-ə təşkilatın fəaliyyətinin nəticələri görünəndə daxil olacaq, deyə TDƏŞ baş katibi Xəlil Akıncı bildirib. 08D.
-
- İqtisadiyyat
- 23 Avqust 2012 14:49
-
- İqtisadiyyat
- 23 Avqust 2012 15:02
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz