Türkiyə BOTAS və ya başqa şirkətin köməyi ilə Transadriatik qaz kəməri layihəsinə daxil olmaq istəyir. Bu barədə Türkiyənin "Sabah" qəzeti ölkənin energetika naziri Taner Yıldıza istinadən bildirib.
"Əvvəllər TAP konsorsiumu BOTAS-a 15% təklif etdi. Bu barədə yenidən düşünmək istəyirik", - deyə nazir bildirib.
Onun sözlərinə görə, Nabucco layihəsi də əhəmiyyətini itirməyib, Türkiyə onun həyata keçməsi məsələsinə baxır.
"Avropa İttifaqının qaza artan tələbatını nəzərə alaraq Türkiyə əmindir ki Nabucco layihəsi həyata keçəcək", - deyə Yıldız bildirib.
O, qeyd edib ki, Nabucco və ТАР rəqib deyil, bir-birini tamamlaya bilər.
28 iyunda "Şahdəniz" konsorsiumu ТАР qaz kəmərini Avropa bazarına qaz nəqli üzrə əsas marşrut kimi seçib. TAP-ın ilkin gücü 10 mlrd m3-dir və ildə 20 mlrd m3-dək artırıla bilər.
Hazırda ТАР-da pay bölgüsü belədir: BP (20%), ARDNŞ (20%), Norveç Statoil-u (20%), Belçikadan Fluxys (16%), Fransa Totalı (10%), Almaniyadan E.ON (9%) və İsveçrədən Axpo (5%).
Türkiyəli nazirin bəyanatını şərh edərkən Azərbaycan Neft Araşdırmaları Mərkəzində Turan-a bildiriblər ki, "hazırda Türkiyə şirkətlərinin ТАР layihəsinə daxil olması çətindir". Mərkəzdə hesab edirlər ki, Türkiyə tərəfinə təklif edilən zaman ТАР əsas marşrut kimi seçilməmişdi. Türkiyəyə təklif edilərkən Nabucco-West layihəsi qarşısında daha böyük üstünlük əldə etmək nəzərdə tutulurdu. "Amma rəsmi Ankara ТАР-ın təklifinə cavab vermədi, çünki Nabucco-nun iştirakçısı kimi onun qələbəsini istəyirdi". Mərkəzdə hesab edirlər ki, paylar artıq bölünüb, digər tərəfdən, indi daxil olmağın kommersiya qiyməti fərqli, yəni daha bahadır. --12В--
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz