Parlamentin bugünkü iclasında deputat Vahid Əhmədov özəl maliyyə sektoru və hökumətin iqtisadiyyatın real sektoruna, o cümlədən kənd təsərrüfatına münasibətindən narazılığını bildirib.
Onun sözlərinə görə, sahədə inhisar olduğu üçün kəndlilər məhsulunu sata bilmir. Çoxsaylı və konkret qruplara məxsus kommersiya bankları kənd sahibkarlarına güzəştli kredit vermək, maliyyə sahəsini sağlamlaşdırılmaq əvəzinə, vergidən yayınıb milyonlarla manatı nağdlaşdırmaqla məşğuldur. Əhmədov deyib ki, bu sayda maliyyə institutuna ehtiyac yoxdur.
Bu şəraitdə hökumət rayonlardan birində kənd təsərrüfatı mallarının satışı üçün pilot layihə keçirməlidir. Layihəyə torpağın rekultivasiyasından bazara hazır məhsul çıxarılmasına qədər bütün proses daxil olmalıdır. Uğurlu olduğu təqdirdə layihəni genişləndirmək olar, - deyə deputat düşünür. --17D--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz