Vaxtı keçmiş kreditlərin həcmi üçdə bir artıb

Mərkəzi Bankın məlumatına görə, iyunun 1-i üçün vaxtı keçmiş kreditlərin həcmi 1 mlrd 313,2 mln manat və ya bütün kreditlərin 6,4%-i qədər olur. Mütləq göstəricidə bu, ilin əvvəlindəkindən 34,5% çoxdur. Hətta nəzərə alaq ki, fevral devalvasiyası yerində saymaq demək deyil, münki sahibkarlığa kreditlərin çoxu dollarla verilib.

2015-ci il iyunun 1-nə banklar və bank olmayan kredit təşkilatları tərəfindən Azərbaycan iqtisadiyyatına kredit qoyuluşları 20 mlrd 468,1 mln manat təşkil edib (+10,4%). Dövlətin payı olan banklar (məsələn, ABB) 7 mlrd 335,6 mln manat (+19,4%) kredit qoyub. Bu, ümumi kreditlərin 35,8%-dir. Özəl bankların payı 12 mlrd 542 mln manat (+5,6%) və ya 61,3% olub. Qalan məbləğ bank olmayan kredit təşkilatlarının payına düşür.

Kredit artımının çoxu (+73,5%) xarici valyuta ilədir - 8 mlrd 738,9 mln manat. Mütləq göstəricidə o, milli valyutaya yaxınlaşır. Manatla kreditlərdə azalma var (mənfi 13,2%). Amma manatın xüsusi çəkisi dollar və avrodan çoxdur - 11 mlrd 729,2 mln manat.

İyunun 1-i üçün  kreditlərin 8 mlrd. 43,4 mln. manatı (39,3%) ev təsərrüfatı sahəsinin payına düşür. Ardınca ticarət və xidmət 2 mlrd 912,2 mln manat (14,2%), tikinti və daşınmaz əmlak - 2 mlrd 814,1 mln manat (13,8%), sənaye və istehsal sektoru 2 mlrd 182,8 mln manat (10,7%), kənd təsərrüfatı və emal935,1 mln manat (4,6%), nəqliyyat və rabitə 890,9 mln manat (4,4%), energetika, kimya və təbii ehtiyatlar sektoru - 276,2 mln manat (1,3%) gəlir. --17D—