ВР rəhbəri Azərbaycan prezidenti ilə niyə tez-tez görüşür?

Azərbaycan prezidenti İlham Əliyev XXX Olimpiya oyunları ilə bağlı Londona səfəri zamanı BP şirkətinin icraçı direktoru Robert Dadlini qəbul edib. 

www.president.az saytının verdiyi məlumata görə, tərəflər uğurlu əməkdaşlıqdan məmnunluq ifadə ediblər və “Şahdəniz”in “Mərhələ-2” layihəsi və başqa layihələr barədə fikir mübadiləsi ediblər. 

Amma İlham Əliyevlə BP Group rəhbəri tez-tez görüşür: 2011-ci ilin noyabrından bu, onların 5-ci görüşüdür. Turan agentliyinin əldə etdiyi məlumata görə, ARDNŞ ilə ВР arasında “Mərhələ-2” layihəsinin kommersiya tərəfi üzrə fikir ayrılığı yaranıb. Belə ki, apreldə BP şirkətinin icraçı direktoru Robert Dadlinin Bakıya növbəti səfəri və Azərbaycan prezidenti ilə görüşündən sonar şirkət press-reliz yayaraq bidirib ki, “Mərhələ-2” layihəsinin ilkin qiyməti $25 mlrd-dır. Amma sonradan ARDNŞ bununla razılaşmadığını, onun dəqiq injinirinq olmadan əldə edildiyini bildirib. Bundan sonra layihə barədə qərar verilməsi bu ilin I yarısından gələn ilin I rübünə keçirildi. 

Turan-ın mənbəyinin verdiyi məlumata görə, ВР ARDNŞ-nin üstünlüyü olan Azərbaycan və regional layihələrdə payını artırmaq istəyir. "Bu, istənilən şirkətin normal arzusudur. Amma dövlətin və ARDNŞ-nin öz maraqları var, onlar prioritetdir və danışıqlar davam edir", - deyə agentliyin müsahibi bildirib. 

Qeyd edək ki, Britaniya şirkəti ARDNŞ-dən TANAP-da pay almaq istəyir. Eyni zamanda, ВР ARDNŞ-yə təklif edir ki, “Azəri-Çıraq-Günəşli”nin dərin layları üzrə yeni PSA saziş bağlasın. Bu sazişin bağlanması bu ilin əvvəlinə planlaşdırılmışdı, sonra 2012-ci ilin martına təxirə salındı, bu yaxınlarda ARDNŞ prezidenti bildirdi ki, bu, ilin sonunda olacaq. 

ВР-nin planına görə, o, Azəri-Çıraq-Günəşli”nin dərin laylarında hasilat və ixracatı 2018-ci ildə - “Mərhələ 2” üzrə ixracın əvvəlində başlaya bilər. Bu həcm əvvəlcə Cənubi Qafqaz Dəhlizi, sonra TANAP-la nəql edilə bilər. Yaxşı ideyadır, çünki qısa müddətə Azərbaycan qazının Avropaya satış həcmini artırmağa imkan verir. Amma tərəflərin kommersiya maraqları məsələsi ortaya çıxır. Hələlik bu məsələdə “qızıl orta” tapılmayıb.