ВР Xəzərin ən köhn platformasında hasilatı dayandırıb

ВР-Azerbaijan şirkəti (“Azəri-Çıraq-Günəşli” blokunun işlənməsi üzrə operator) 10 noyabrda “Çıraq” paltformasında profilaktik işlərin aparılması məqsədilə neft hasilatı dayandırıb.

Profilaktik işlər 25 gün davam edəcək. Plana əsasən, işlərin aprıldığı müddətdə platformadan neft hasilatı dayandırılacaq”, - deyə şirkətdən bildirilib.

BP-Azerbaijanın məlumatına görə, "Çıraq" platformasından hasilat planlaşdırılmış profilaktik işlər, inspeksiya və layihə işləri effektiv şəkildə aparılması üçün dayandırılır.

 BP-Azerbaijan-da bildiriblər ki, AÇG-nin qalan platformalarında hasilat, həmçinin Bakı-Tbilisi-Ceyhan, Cənubi Qafqaz Qaz Boru Kəməri və Qərb marşrutu İxrac Boru Kəməri vasitəsilə ixrac əməliyyatları normal davam edəcək. Səngəçal terminalı da normal işləyəcək, həmçinin Ceyhan terminalında tankerlərin yüklənməsi və yola salınması cədvələ əsasən davam edəcək.

Xəbər verildiyi kimi, 2015-ci ilin I yarısında “Çıraq” platformasından orta hesabla sutkada 55 min barel neft hasil edilib. “Çıraq” yatağından neft hasilatı 1997-ci ilin noyabrından başlayıb.–12D--