Xəzər Dəniz Gəmiçiliyinin yardımçı təsərrüfatında islahatlar aparılır

Kənd Təsərrüfatı Nazirliyi “Azərbaycan Xəzər Dəniz Gəmiçiliyi” QSC-nin mülkiyyətində olan “Dənizçi” yardımçı kənd təsərrüfatı müəssisəsində islahatlara dair təklifləri Nazirlər Kabinetinə təqdim edib.

Təkliflərə əsasən 1766 ha torpaq sahəsi olan təsərrüfat üç qurum arasında bölünəcək. Kənd Təsərrüfatı Nazirliyi aqropark yaratmaq üçün 966 ha sahə istəyir. Xaçmaz  Rayon İcra Hakimiyyətinə torpaq islahatı aparmaq üçün 700 ha sahə veriləcək. Xatırladaq ki, “Dənizçi” yardımçı təsərrüfatının yerləşdiyi Müqtədir qəsəbəsi Azərbaycanda yeganə yaşayış məntəqəsidir ki, burada faktiki olaraq torpaq islahatı həyata keçirilməyib və onun sakinləri əkin paylarından kənarda qalıblar.

Beləliklə, gəmiçiliyin sərəncamında cəmi 100 ha torpaq qalacaq.

“Azərbaycan Xəzər Dəniz Gəmiçiliyi” QSC-nin Sosial İnkişaf İdarəsindən Turan-a bildirilib ki, indiyədək bütün torpaq sahələrindən istifadə olunmayıb, belə ki, müvafiq meliorasiya işləri tələb olunub. Buğda, yonca və kənd təsərrüfatı bitkiləri yalnız 1100 ha sahədə əkilib. Burada 100 işçi var, lakin faktiki olaraq onlardan 20-i çalışır. Yardımçı təsərrüfatın heyvandarlıq ferması da var ki, onun da ləğvi planlaşdıırlır.

Gəmiçikdə qeyd ediblər ki, əvvəllər yardımçı təsərrüfatın bir hissəsi Müqtədir qəsəbə sakinləri tərəfindən zəbt edilib, orada fərdi evlər tikilib.08B