Zaqatala Tütün Fabrikinin səhmləri nominalın 12,4%-ə satılır

Əmlak Məsələləri Dövlət Komitəsi “Zaqatala-Tütün” ASC-nin səhmlərinin 30%-i profil saxlanmaqla hərraca çıxarıb. Müəssisənin səhmləri su qiymətinə təklif edilir. 

Səhmlərin əsas hissəsi (70%) 1998-ci ildə birinci özəlləşdirmə proqramı çərçivəsində satılıb. Müsabiqə elanına görə, müəssisədə 2 nəfər çalışır. ƏMDK yeni avadanlığın alınması barədə investisiya proqramı tələb edir. İddiaçılar həmçinin 141 029 səhmin 35 min manata alınması üçün köçürmə təklifi etməlidir. Bu, nominal qiymətin 12,4%-dir. Bu səhmlər əvvəllər nominal qiymətin 50%-ə hərraca çıxarılıb. 

2008-ci ildən hökumət dövlət əmlakının özəlləşdirilməsi proqramını dəyişib. Yeniliyə əsasən, pul hərracında satılmayan 30%-lik paketlər investisiya müsabiqəsinə çıxarıla bilər. İndiyəcən bu metodla 10-20 SC-nin səhmləri satılıb. 

Zaqatala Tütün Fabriki 1973-cü və 1986-cı illərdə iki mərhələdə istismara verilib. Qanunvericiliyə zidd olaraq torpaq sahəsi və tikililər barədə məlumat verilmir. SC-nin nizamnamə kapitalı 940 min manatdan çoxdur. 

Debitor borcu sıfır, 1 sentyabr üçün öhdəlikləri 75,8 min manatdır. Təkliflər 16 dekabra kimi qəbul edilir. 

Zaqatala tütünçülük üzrə aparıcı rayonlardandır. Tütün istehsalının yarıdan çoxu onun payına düşür. Dövlətstatkoma görə, bu iin 10 ayında ölkədə 3265 ton tütün istehsal edilib. Bu, 2012-ci ilin eyni dövründəkindən 1000 ton azdır.  08D