Taleh Kazımov Tacikistandan əlidolu qayıdıb

Azərbaycan və Özbəkistanın mərkəzi bankları arasında Anlaşma Memorandumu imzalanıb.

Bunu Azərbaycan Mərkəzi Bankının (AMB) sədri Taleh Kazımov bildirib.

O, Tacikistananın paytaxtı Düşənbəyə səfəri çərçivəsində Özbəkistan Mərkəzi Bankının sədri Mamarizo Nurmuratovla görüşüb.

“Görüşdə rəhbərlik etdiyimiz qurumlar arasında tərəfdaşlığın genişləndirilməsinə, təcrübə və məlumat mübadiləsinin aparılmasına, eləcə də ikitərəfli səfərlərin təşkil olunmasına xidmət edəcək əməkdaşlığa dair Anlaşma Memorandumu imzaladıq. İnanırıq ki, sənəd əməkdaşlığın möhkəmləndirilməsinə töhfə verəcək", - deyə baş bankir qeyd edib.

T.Kazımov Dünya Bankı və Beynəlxalq Valyuta Fondunun Seçki Qrupunun toplantısında iştirak etmək üçün Düşənbədə səfərdə idi. O, səfər çərçivəsində həmçinin bu ölkədən olan həmkarı Firdavs Tolibzoda, eləcə də İsveçrə Mərkəzi Bankının sədri Tomas Cordanla görüşüb.