Açiq mənbələrdən foto.
Bakı/03.08.20/Turan: “Azərbaycan kino sənəti tarixi” - ssenarist, kino tarixi tədqiqatçısı Nəriman Əbdülrəhmanlının Azərbaycan Kinematoqrafçılar İttifaqının dəstəyi ilə nəşrə hazırlanan 4 cildli monoqrafiyası belə adlanır.
AKİ-dən Turan-a verilən məlumata görə, müəllif 19-cu əsrdən 2018-ci ilə qədər Azərbaycan kinosunun tarixini araşdırır. Monoqrafiyada arxiv materialları əsasında kinofilm istehsalı deyil, kinotexnikanın, kinoprokatın, kinolaşdırmanın, eləcə də ekran sənətinin bütün sahələrinin inkişafı izlənir və Azərbaycan kinosunda xüsusi rolu olan sənət adamlarının tutumlu portretləri yaradılır.
Monoqrafiyada 120 illik kino tariximizə dair qiymətli, ilk dəfə üzə çıxarılan sənədlərlə yanaşı, nadir fotoşəkillər və kinematoqrafçıların bioqrafik məlumatları da əks etdirilir.
Kinematoqrafçılar İttifaqı milli kinomuzun araşdırılmasına əhəmiyyətli töhfə verən bu fundamental layihəni dəstəkləyib.
Layihənin rəhbəri AKİ sədri Rüstəm İbrahimbəyovdur. -02D-
Mədəniyyət
-
“Eurovision” mahnı müsabiqəsinin parlaq xaosunda Azərbaycanın Fahree - İlkin Dövlətov dueti tamaşaçıların rəğbətini qazanması ilə deyil, “Eurovision”un üstünlük təşkil edən üslubundan xeyli fərqlənməsi ilə diqqət çəkib. Mayın 8-nə keçən gecə onların çıxışı TuraLTuranX brothers qrupunun keçən ilki nəticəsini təkrarlayaraq, onları finala çıxarmayıb. Hər iki halda Azərbaycan nümayəndələri on ikinci çıxış ediblər və səhnədə təmkinli davranış nümayiş etdiriblər, bu da “Eurovision”da çox vaxt rast gəlinən parlaq çıxışlardan fərqlənib.
-
Tekstil sənətinə bənzərsiz yanaşması ilə tanınan türkiyəli rəssam Süzan Murat “Turan” Agentliyi ilə canlı söhbətində sənətinə olan ehtirası və baxışlarını bölüşüb. Ənənəvi rəssamlığa üstünlük verən bir çox müasirlərindən fərqli olaraq, Murat bədii fikirlərini ifadə etmək üçün iynə və sapa müraciət edir, parçanı həyat və rənglə dolu kətanlara çevirib.
-
Çox zaman kinoekran insan emosiyalarının incəliklərini və sosial problemləri cəsarətli ştrixlərlə əks etdirən kətan (xolst) sayılır. Rejissor İlqar Safatın "İçərişəhər" psixoloji dramı da belədir.
-
Müasir incəsənətin daim dəyişən dünyasında sərgilər çox vaxt cəmiyyətin mürəkkəbliyini və insan təcrübəsini əks etdirən güzgü rolunu oynayır.
Rəy yaz