Bakı/07.04.18/Turan: Üçüncü "ADAMİ Şərqi Avropada Mədəni Müxtəlifliyə görə Media Mükafatı 2018" müsabiqəsi elan edilib. https://www.adamimediaprize.eu/
Müsabiqədə iştirak üçün Aİ-nin Şərq Tərəfdaşlığı proqramının altı ölkəsindən - Ermənistan, Azərbaycan, Belarus, Gürcüstan, Moldova və Ukraynadan televiziya şirkətləri, prodüsserlik şirkətləri, müstəqil jurnalistlər, rejissorlar, prodüsserlər və media sahəsində digər professionallar dəvət olunur.
ADAMİ mükafatı miqrasiya, inteqrasiya və etnik, dini və mədəni müxtəlifliyə həsr olunmuş ən yaxşı televiziya proqramlarına və filmlərinə, habelə onlayn layihələrə verilir.
ADAMİ Media Mükafatı altı kateqoriyada verilir:
- Mədəni-əyləncə proqramları və filmləri sahəsində (oyun formatı)
- İnformasiya proqramları və filmləri sahəsində (qeyri-oyun formatı)
- Xəbər proqramlarına və qısametrajlı qeyri-oyun filmlərinə görə
- Gənc ADAMİ mükafatı
- Ən yaxşı vebsayta görə mükafat
- Ən yaxşı onlayn-videoya görə mükafat
(Ətraflı məlumat reqlamentdə).
Ərizə qəbulunun başa çatması tarixi:
- 01/07/2018 11.10.2016 və 31.12.2017-ci illər arasında dərc edilmiş materiallar üçün
- 01/10/2018 01.01.2018 və 01.10.2018-ci illər arasında dərc edilmiş materiallar üçün
Nominantların və müsabiqə qaliblərinin müəyyən edilməsi üçün beynəlxalq münsiflər heyətinin sessiyası 2018-ci ilin oktyabrında Minskdə keçiriləcək.
ADAMİ media media sahəsində peşəkarların öz audio-vizual əsərlərini beynəlxalq səhnədə təqdim etməsi, habelə televiziya kanallarının nümayəndələri ilə əlaqələri genişləndirməsi üçün nadir imkandır. Altı kateqoriyadan hər birində qaliblər 2000 avro ölçüsündə pul mükafatı ilə mükafatlandırılır.
Əsas mükafatlarla yanaşı, ADAMİ Media Mükafatı 2018 müsabiqəsinin jurnalist təcrübəsi olan və işçi səviyyədə rus, alman və ya fransız dilini bilən hər bir iştirakçısına Deutsche Welle (Berlin, Almaniya), MDR (Leyptsiq, Almaniya) və ya ARTE (Strasburq, Fransa) kanallarında staj keçmək məqsədilə ADAMİ stipendiyası almaq üçün ərizə vermək imkanı verilir.
Qaliblər 2018-ci ilin noyabrında Kişinyovda (Moldova) keçiriləcək qala-tədbirdə elan ediləcək, tədbir beynəlxalq telekanallarda yayımlanacaq.
Növbəti mükafat haqqında daha ətraflı məlumat almaq üçün office@adamimediaprize.eu ünvanına müraciət etmək olar.
* ADAMİ Media mükafatı 2015-ci ildə Avropa xadimləri tərəfindən Aİ-nin Şərq Tərəfdaşlığı ölkələrinin - Ermənistan, Azərbaycan, Belarus, Gürcüstan, Moldova və Ukraynanın kinematoqrafçılarının və jurnalistlərinin həvəsləndirilməsi məqsədilə yaradılıb.
ADAMİ-nin məqsədi miqrasiya, tolerantlıq və mədəni müxtəliflik mövzularının işıqlandırılması, irqçiliyə və ədavətə qarşı mübarizə, Avropada KİV nümayəndələri arasında ünsiyyət üçün platforma yaratmaqdır. -02D-
Mədəniyyət
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
Rəy yaz