Bakı/31.10.17/Turan: Noyabrın 2-də Bakıda 8-ci Avropa filmləri Festivalı start götürür.
Avropa İttifaqının Azərbaycandakı ofisinin rəhbəri Kestutis Yankauskas çərşənbə axşamı bu hadisəyə həsr olunmuş brifinqdə çıxış edərkən bildirib ki, Avropanın müxtəlif ölkələrindən ümumilikdə 21 film nümayiş olunacaq. Bundan başqa, festivalda "Nar bağı" adlı Azərbaycan filmi də nümayiş olunacaq.
"Filmlər Azərbaycan tamaşaçısının Avropa ölkələrinin mədəniyyətini görməsinə imkan verir. Bəzi filmlərin rejissorları Bakıya gələcəklər və master-klass və müzakirələr keçirəcəklər", deyə o bildirib.
Avropa İttifaqı Azərbaycanla təkcə iqtisadi və siyasi sahələrdə münasibətləri möhkəmləndirməyə deyil, həm də mədəniyyət sahəsində münasibətlər qurmağa çalışır.
Daha sonra çıxış edən Fransanın Azərbaycandakı səfirinin müavini Fabyen Lozinski qeyd edib ki, festival Fransanın "Lyumyer" filmi ilə açılacaq.
"Film dünya kinematoqrafının yaranmasına həsr olunub və arxiv sənədləri əsasında çəkilib. Ümumiyyətlə, festival Azərbaycanı Avropa ölkələrinin mədəniyyətinə yaxınlaşdırmaq məqsədi daşıyır", deyə o bildirib.
Qeyd edək ki, Avropa Filmləri Festivalı noyabrın 12-nə qədər davam edəcək. Filmlər Park Cinema kinoteatrlarında nümayiş olunacaq, giriş pulsuzdur. -71D-
Mədəniyyət
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
Rəy yaz