Bakı/04.06.20/Turan: Rejissor Teymur Hacıyevin "Axşama doğru" filmi 73-cü Kann Festivalının "Tənqid Həftəsi"nə daxil edilib.
Filmin müəlliflərinin verdiyi məlumata görə, bu, 59 ildir mövcud olan nüfuzlu proqrama seçilmiş ilk Azərbaycan filmidir.
"Axşama doğru" şəhər kənarına ailə məclisinə gedən gənc ər-arvaddan bəhs edir. Məişət məsələsi ilə bağlı fikir ayrılıqları onları gözlənilməyən yerdə dayanmağa vadar edir. Bu səbəbdən qadın qəhrəman müşkül, amma qabaqcadan təxmin edilən vəziyyətə düşür.
Qısa metr formatında çəkilmiş "Axşama doğru" filmi "üçüncü mənanın" çıxarılmasına yönəlmiş yeni kino dilinin axtarışı nümunəsidir. Fransalı filosof Rolan Bartın tərifinə görə, "üçüncü məna" sözlərlə təsvir edilə bilməz, müstəsna olaraq kinematoqrafa xas keyfiyyətdir.
Film FIL PRODUCTION və Mandarin Agency şirkətləri tərəfindən Azərbaycan İctimai Televiziyasının dəstəyi ilə çəkilib.
"Tənqid Həftəsi" (La Semaine dela Critique) Kann Kino Festivalının 1962-ci ildə Fransa kino tənqidçiləri sindikatı tərəfindən təsis edilmiş ən qədim paralel proqramıdır.
Bu proqramın missiyası dünya kinematoqrafında yeni adlar kəşf etməkdən və karyeralarının başlanğıc mərhələsində onları dəstəkləməkdən ibarətdir. Yeni istedadların axtarışının nəticəsi hər il rəsmi Kann Kino Festivalı müsabiqəsi ilə paralel olaraq tamaşaçılara təqdim edilən 5 tammetrajlı və 10 qısametrajlı filmdən ibarət film olur.
Əvvəllər filmləri bu seksiyalara seçilmiş rejissorlar arasında dünya kinematoqrafının Bernardo Bertoluççi, Otar İoseliani, Ken Louç, Vonq Kar-vay, Jak Odiar, Gilyermodel Toro, Qaspar Noe, Leos Karaks, Kevin Smit, Fransua Ozon və Alexandro Qonsales İnyarritu kimi dahiləri var. -02B-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz