Bu günlərdə Bakıda keçirilən Avropa Kino Festivalında Fransa kinematoqrafı rejissorlar Yan Bertran və Mişel Pitionun “Terra” sənədli filmi ilə təmsil olunur.
Dünən Fransa səfirliyində filmin treylerinin Azərbaycan ictimaiyyətinə təqdimatı baş tutub. Film mütəlif həyat formalarının inkişaf tarixindən, insan və təbiət əlaqələrindən bəhs edir. Müəlliflər insan fəaliyyətinin təbiətə təsirinin nələrə gətirib çıxara biləcəyini göstərməyə çalışır.
Filmdə on min il ərzində planetdə həyatın tamamilə dəyişdiyi göstərilir. Film bir növ təbiətdə insanlıq üçün faciəvi nəticələri ola biləcək qarşısıalınmaz dəyişikliklərdən xəbər verən carçı oldu.
Fransa səfiri Aureliya Buşe və Aİ-nin Azərbaycan nümayəndəliyinin müşaviri Denis Danilidis Avropa Kino Festivalının Avropa mədəniyyətinin təqdim edilməsində, müxtəlif xalqların ənənələri ilə tanış olmaqda rolunu qeyd ediblər.
Filmin rejissoru üzü Mişel Pitio qeyd edib ki, Azərbaycana ilk dəfə gəlir və ölkə Şərq və Qərb mədəniyyətlərini birlikdə ehtiva etməsi ilə onu cəlb edib. O, gələcəkdə Azərbaycanda film çəkəcəyini istisna etməyib.
“Azərbaycanı Odlar Diyarı, Bakını isə Küləklər Şəhəri adlandırırlar. Bu iki təbii hadisədir - od və külək və bizim bu barədə film çəkə biləcəyimiz istisna deyil”, deyə Pitio bildirib.
Bakıda “Terra” filminin nümayişi noyabrın 10-da saat 18:00-da Park Cinema-da olacaq.
Yeri gəlmişkən, mərasim COP21-də (İqlim Dəyişiklikləri üzrə Beynəlxalq Konfrans) sədrliyin Fransandan COP22-də Mərakeşə keçməsini qeyd etmək üçün bir fürsət olub.
Bir il əvvəl Parisdə Qəbul edilmiş İqlim Dəyişiklikləri üzrə Sazişi 96 ölkə, o cümlədən Azərbaycan təsdiq edib. Növbəti sammit Mərakeşdə keçiriləcək. -06D-
Mədəniyyət
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
-
Gender bərabərliyinin önəmli mövzu olaraq qaldığı bir dünyada, Bakıda təşkil edilən yeni bir incəsənət sərgisi, stereotipləri aşaraq ənənəvi olaraq kişilərin üstünlük təşkil etdiyi sahələrdə uğur qazanan polşalı qadınların davamlı irsinə hörmət edir. “Görkəmli Polyak Qadınları II” adlı bu ilhamverici sərgi, Polşa Respublikasının Bakıdakı Səfirliyi, Arts Council Azərbaycan və HÜMA art room tərəfindən birgə təşkil olunub.
-
COP 29 İqlim Konfransı yaxınlaşdıqca, Azərbaycanın Latviya Səfirliyi bir sıra mədəni və təhsil tədbirləri vasitəsilə ətraf mühitin qorunmasının əhəmiyyətini vurğulayır. Bu təşəbbüslərdən biri, noyabrın 8-də Gazelli Art House Bakı Qalereyasında açılacaq azərbaycanlı rəssam Elnara Nəsirlinin “Meşənin Piçıltısı — Səsin Sehri” adlı cazibədar incəsənət sərgisidir.
Rəy yaz