Rüstəm İbrahimbəyovun rəhbərlik etdiyi Azərbaycan Kinematoqrafçılar İttifaqı (AKİ) bəyanatla çıxış edib. Bəyanatda deyilir: “İyunun 21-də respublika mətbuatı yeni ictimai kino birliyinin yaradılması haqda xəbər yaydı. Bu xəbər peşəkar kinematoqrafçılar üçün gözlənilməz oldu.
Azərbaycan Kinematoqrafçılar İttifaqının nizamnaməsi onun üzvlərinin fəaliyyəti milli kinematoqrafın maraqlarına zidd olmayan təşkilatlarda iştirakına mane olmur. Lakin belə təşkilatların nə dərəcədə məqsədəuyğun və effektiv olduğunu zaman müəyyən edəcək.
Baş verənləri mənfi qiymətləndirmək istəməyərək yeni yaradılan qurumun bəzi rəhbərlərinin bizim İttifaqın ünvanına tənqidi fikirləri ilə bağlı təəccübümüzü bildirməyi vacib hesab edirik. Belə ki, İttifaqın İdarə Heyətinin üzvləri və katibləri olan bu şəxslər onun işində fəal iştirak ediblər və bizim problemlərdən çox yaxşı xəbərləri var. Bilirlər ki, milli kinonun inkişafı haqda prezidentin fərmanının həyata keçirilməsinə yönələn fəaliyyətimiz bir neçə ildir ki, dövlətin maliyyə dəstəyindən məhrumdur.
Onlar bilirlər ki, AKİ nizamnamə vəzifələrini, o cümlədən yaratdığımız Beynəlxalq Kino Məktəbində peşəkar kadrların hazırlanması üzrə məsələləri uğurla həll etməkdə davam edir. Onları çoxu bu məktəbdə dərs deyiblər.
Yaranmış vəziyyətdə katiblik bunu bildirməyi vacib hesab edir ki, yaradıcı təşkilat olan AKİ prezidentin beşillik tarixi olan fərmanına zidd olaraq, hələ də “Azərbaycanfilm” kinostudiyasının yenidən qurulmasına və texniki təchizatına başlanmamasından, xaricdə peşəkar kinematoqrafçıların hazırlanması üçün heç bir işin görülməməsindən, respublika rayonlarında filmlərin prokatının bərpa olunmamasından və s. əvvəlkitək narahatdır.
Başa düşürük ki, bizim israrlı olmağımız buna görə məsuliyyət daşıyanların narazılığına səbəb olur, lakin söhbət bizim öz həyatımızı həsr etdiyimiz işdən gedir və peşə borcu bizi susmağa qoymur.
Azərbaycan Kinematoqrafçılar İttifaqı əlli ildən artıqdır ki, milli kinematoqrafın maraqlarının qorunması üçün yaradılıb və Azərbaycan kino sənətinə öz mühüm töhfəsini verən, ona yalnız sözdə deyil, həm də əməldə sadiq olan kinematoqrafçıları öz sıralarında birləşdirməklə bu işi davam etdirəcək”. -0-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz