Bakı/01.08.18/Turan: Azərbaycan Kinematoqrafçılar İttifaqının katibliyi İttifaqın illik kino mükafatının qaliblərinin adlarını açıqlayıb.
Turan-a daxil olan məlumatda deyilir ki, bu ilin qalibləri xalq artisti Anar (Azərbaycan mədəniyyəti və kinematoqrafiyası qarşısındakı xidmətlərinə görə);
Bəstəkar Rauf Əliyev (ölümündən sonra - rejissor M.Ağazadənin "Eviniz abad" filminin musiqisinə görə);
Ramiz Abutalıbovdur (Azərbaycan Xalq Cümhuriyyətinin tarixinin kino-sənədlərdə işıqlandırılmasındakı xidmətlərinə görə).
Azərbaycan Kinematoqrafçılar İttifaqının mükafatında məqsəd milli kinonun müsbət tendensiyalarını göstərməkdir.
Bundan öncəki qaliblər Fuad Poladov, Fikrət Əliyev, Firəngiz Qurbanova, Nizami Abbas, Yuri Varnovski, Fəxrəddin Manafov və Mehriban Zəkidir.
İttifaqın katibliyu ötən il filmlərin az olduğunu təəssüflə qeyd edib. Kinonun inkişafı üzrə Dövlət Proqramının icra edilməməsi xüsusi narahatlıq doğurur. Bu il proqramın reallaşması ilə bağlı sonuncu ildir.
Azərbaycan Kinematoqrafçılar İttifaqı ölkə kinematoqrafiyasının çətin vəziyyətdən çıxarılması üçün təcili tədbirlərin görüləcəyinə ümid edir.
Xatırladaq ki, bir neçə il öncə Kinematoqrafçılar İttifaqında parçalanma baş verib. Hakimiyyət İttifaqın rəhbəri Rüstəm İbrahimbəyovu iqtisadi cinayətlərdə ittiham edərək ona qarşı cinayət işi başladıb. Bundan sonra Kinematoqrafçılar İttifaqına təzyiqlər başlayıb və qurum yerləşdiyi Hökumət Evinin binasından çıxarılıb.
Sonra hakimiyyət alternativ Kinematoqrafçılar İttifaqı yaradıb. İttifaqın üzvləri R. İbrahimbəyovu kinematoqrafı "siyasiləşdirməkə" ittiham edərək ondan üz çeviriblər.
Hakimiyyətlə R.İbrahimbəyov arasında münaqişəsinin əsas səbəbi onun müxalifətyönlü olması, müxafətin vahid namizədi və İlham Əliyevə rəqib kimi prezident seçkilərində iştirak etmək istəməsi olub. -02D-
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz