Bakı/01.05.18/Turan: ABŞ səfirliyi bazar ertəsi Muğam Mərkəzində Beynəlxalq Caz Gününə həsr olunmuş konsert təşkil edib.
Açılışda iştirak edən ABŞ-ın Azərbaycanda müvəqqəti işlər vəkili Uilyam Gil bildirib ki, müasir dünyada getdikcə daha çox aktuallaşan caza şəxsi marağı var.
Amerikanın musiqi janrı olan caz 19-cu əsrin sonlarında Yeni Orleanda ortaya çıxıb. O, milli, regional və yerli musiqi mədəniyyətlərinə söykənərək, bütün dünyaya yayılıb. Caz böyük ifadə azadlığını təmin edir.
Qədim çoxmədəniyyətlilik tarixinə malik olan Azərbaycan inklüziv dəyərlər modeli olmağa can atır. Bəlkə də məhz buna görə burada, Azərbaycanda - yeni caz üslubu yaratmaqla fərqlənən ölkədə caz bu qədər güclü köklərə malikdir, deyən diplomat Kennedy Administration qrupunu təqdim edib.
Etiraf etmək lazımdır ki, caz həvəskarları bu gözəl kollektiv və xüsusən onun vokalisti ilə ünsiyyətdən böyük həzz alıblar.
Eyni anda bir neçə üslubda musiqi ifa edən qrup tamaşaçıları öz enerjisi ilə valeh edib. -02D-
Mədəniyyət
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
Rəy yaz