- Mədəniyyət
- 1 Dekabr 2015, 12:25
- 102
Bakıda Koreya Pop Musiqi Festivalı keçirilib
29 Noyabr 2015-ci il tarixində “Hansamo” Azərbaycan koreyasevərlər qrupu tərəfindən "Dream Trading MMC" şirkətinin dəstəyi ilə Bakıda “K-Pop Festival” keçirilib. Tədbirin təşkilatçılarının sözlərinə görə festivalın məqsədi Azərbaycandakı K-Pop ( Koreya pop musiqisi ) həvəskarlarını bir araya toplamaq və Azərbaycanda kpop musiqisini tanıtmaqdır.
K-pop qruplarının musiqi nümunələri və rəqsləri festival iştirakçılarının zövqünü oxşayıb. Olduqca maraqlı məqamlarla yadda qalan tədbirə 300-dən çox gənc qatılıb. İştirakçılar, həmçinin, xüsusi hazırlanmış stendlər vasitəsilə Koreya məhsulları ilə tanış olmaq imkanı qazanıblar.
“Hansamo” 2011-ci oktyabrda Facebook sosial şəbəkəsində “Koreyasevərlər” adı altında qrup kimi Leyla Şəmsi tərəfindən yaradılıb. “Hansamo” Koreya dilində “한국을 사랑하는사람들의 모임인” “Koreyanı sevən insanların birliyi” sözünün qısaldılamasıdır. Qrupun yaranma səbəbi Koreya mədəniyyəti, musiqisi və filmlərini sevən azərbaycanlıları bir araya toplamaq idi. İlk yarandığı vaxtlar qrupda cəmi 10-15 üzv olsa da, hazırda üzvlərin sayı 1300-dən artıqdır. Qrup üzvlərinin sayı artıqca Azərbaycanda Koreya mədəniyyətinə təbliğ etmək üçün müxtəlif tədbirlər keçirməyə başlandı.
“Hansamo”nun hazırki menecerləri Simuzər Əliyeva və Leyla Kərimovadır. S.Əliyevanın sözlərinə görə təşkilat artıq rəsmi təşkilat olma yolunda addımlayır və Azərbaycanda Koreya mədəniyyətinin, eyni zamanda Koreyada Azərbaycan mədəniyyətinin tanıdılmasında rol oynayır.
Hansamo üzvləri və Azərbaycanda Koreya mədəniyyəti ilə maraqlanan hər kəs üçün davamlı olaraq görüşlər, film günləri, partylər keçirmək və s. kimi müxtəlif aktivitələr edir. Film günlərində nümayiş olunan Koreya filmləri Hansamonun “Tərcümə qrupu” tərəfindən Azərbaycan dilində altyazı ilə tərcümə olunur. Bugünə qədər tərcümə olunan filmlər: “Rockin' on heaven's door” , “ Runway Cop” , “Fahsion king” , “Only you” və s.
2014-cü il İyulun 15-ində Dünyada Koreya fanlar arasında ilk dəfə Happy Hansamo- videosu məhz azərbaycanlı fanlar tərəfindən hazırlanmışdır. ( https://www.youtube.com/watch?v=3SUTffiMTtU)
"Dream Trading MMC" 2013-cü ilin fevral ayından fəaliyyət göstərir. Şirkətin fəaliyyət areasına Koreya, Azərbaycan və Gürcüstan daxildir. Şirkət Koreya və Azərbaycan şirkətləri üçün xidmətlər, məhsulların ixrac və idxalını həyata keçirir.
"Dream Trading MMC" həmçinin, Koreya və Azərbaycan arası ikitərəfli münasibətlərin inkişafı, işgüzar və mədəni əlaqələrin qurulması, mədəniyyətlərarası mübadilə istiqamətində işlər aparır.
Şirkətin Azərbaycan nümayəndəliyinin rəhbəri Rəşad Əliyevin sözlərinə görə şirkət ölkələr arası əlaqələrin inkişafı və tələbə/gənclər təşkilatlarının aktiv fəaliyyətlərini dəstəkləməkdədir.
-
- Cəmiyyət
- 1 Dekabr 2015 12:03
Mədəniyyət
-
Avropa İttifaqının Azərbaycandakı Nümayəndəliyi Aİ-yə üzv dövlətlərin səfirlikləri ilə birgə ikinci “Avropa Təamları” Kulinariya Festivalını keçirəcək.
-
Demək olar ki, həftəlik yeni sərgilərin açıldığı Bakıda canlı art-səhnə arasında bir parlaq vitrin xüsusilə fərqlənib. Sərgiyə gələnləri göz oxşayan rənglər və ya avanqard konsepsiyalar yox, bir əsrdən çox tarixi olan, lakin hələ də keçmiş dövrün parlaq mahiyyəti ilə dolu fotoşəkillərin sepiya- tonları cəlb edir.
-
İncəsənəti beynəlxalq münasibətlərlə birləşdirən diplomatik bir jest olaraq, ABŞ-ın Azərbaycandakı Səfirliyi, səfirliklərin mədəni əlaqələr qurmaqda rolunu yenidən nəzərdən keçirən bir tədbirə ev sahibliyi etdi. Sentyabrın 30-da ABŞ-ın Azərbaycandakı səfiri Mark Libbi öz iqamətgahında “Səfirliklərdə İncəsənət” adlı tədbir təşkil edərək, azərbaycanlı və xarici qonaqları iki ölkə arasında incəsənət əlaqələrini kəşf etməyə dəvət etdi.
-
O, İsveçrə və Azərbaycan arasında körpülərin qurulması məqsədilə dünya turu çərçivəsində Bakıda səhnəyə çıxacaq. Konsert sentyabrın 18-də saat 19:00-da Rəşid Behbudov Mahnı Teatrında olacaq. Tədbir İsveçrənin Azərbaycandakı səfirliyinin təşəbbüsü ilə baş tutacaq.
Rəy yaz