Bakı/09.04.18/Turan: Hüquq müdafiəçisi, keçmiş məhbus İntiqam Əliyev roman yazıb. Hüquq müdafiəçisinin Turan-a verdiyi məlumata görə, "Meydan" adlanan roman avtoritar idarəçilik şəraitində cəmiyyətdə, ailədə, insanlarda baş verən deqradasiya prosesləri barədədir.
Roman keçmiş siyasi məhbus Tofiq Yaqublunun qızı, vaxtsız vəfat edən ictimai fəal Nərgiz Yaqublunun xatirəsinə ithaf olunub.
"Bu fikir ağlıma gələndən əsəri çox sevdiyim Nərgiz Yaqubluya ithaf etməyi düşünürdüm. Nərgiz daha yaxşılarına layiqdir. Əminəm ki, onun və onun kimi vaxtsız itirdiyimiz çox dəyərli insanlarımıza həsr olunacaq böyük əsərlər qabaqdadır", - o deyib.
Hüquq müdafiəçisi romanı İntiqam Əli imzası ilə təqdim edib.
Romanın annotasiyasında yazılır ki, əsərin əsas qəhrəmanı Sara adlı xanımdır. Hüquq fakültəsinin tələbəsi olan Saranın atası Ağır Cinayətlər Məhkəməsinin hakimidir. Onların dörd nəfərlik mehriban ailəsi düzənli həyat sürür. Romanda həssas mövzularda müxtəlif ictimai debatlara qatıldıqdan sonra Saranın baxışlarında köklü dəyişikliklərin baş verməsindən bəhs olunur.
Əsərdə insanların günahsız yerə şərlənib həbs edilməsi olaylarına geniş yer verilir.
"Davamı gələcəkmi" sualına cavabında isə hüquq müdafiəçisi yaxşı əsər yazmağın çətin olduğunu deyərək, bu işin oxucuların rəyindən asılı olduğunu bildirib.
İ.Əliyev Hüquq Maarifçiliyi Cəmiyyətinin prezidentidir. O, 2014-cü il avqustun 8-də həbs olunmuşdu. Sahibkarlıq, mənimsəmə, vergidən yayınma kimi ittihamlarla üzləşən hüquq müdafiəçisi 2015-ci ilin aprelində Bakı Ağır Cinayətlər Məhkəməsinin hökmü ilə 7 il 6 ay azadlıqdan məhrum edilmişdi. Bakı Apellyasiya Məhkəməsi və Ali Məhkəmə də bu hökmü qüvvədə saxlamışdı. O, ittihamları rədd edirdi və insan haqlarının müdafiəsi ilə bağlı gördüyü işlərə görə cəzalandırıldığını bildirirdi.
2016-cı ilin martında baş prokuror Zakir Qaralov əlavə kasasiya qaydasında protest verib və onun əsasında Ali Məhkəmənin plenumu işə yenidən baxıb. Beləliklə, martın 28-də İ.Əliyevin 5 il sınaq müddəti olmaqla şərti azadlığa buraxılmasına qərar verilib.-16A-
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz