Hərrac bazarında Mərkəzi Asiya və Qafqazdan kolleksiyaçıların sayın artır, eyni zamanda həmin regionların incəsənətinə maraq tədricən artır. Bunu Londonda Sotheby's hərrac evinin nümayəndəsi Co Vikeri bildirib.
Bazar ertəsi Sotheby's binasında Mərkəzi Asiya və Qafqaz ölkələrini təmsil edən müasir incəsənət əsərlərindən ibarət “Yol ayrıcında” adlı satış- sərgi açılıb.
“Hesab edirəm ki, bu, belə sərginin keçirilməsi üçün doğru zamandır. Hiss edirik ki, bazarda həmin regionlardan olan alıcıların və kolleksiyaçıların sayı artır. Qazaxıstandan olan kolleksiyaçıların da sayı artmaqdadır. Azərbaycan daxilində də maraq var. Biz başa düşdük ki, onların incəsənətini beynəlxalq bazarda nümayiş etdirməyin vaxtı çatıb”, - Vikeri vurğulayıb.
Satış-sərginin formatı Mərkəzi Asiya və Qafqaz incəsənətinə ümumi tələbatın qiymətləndirilməsi üçün seçilib. Hərrac evi müntəzəm olaraq Nyu-Yorkda bu cür tədbirlər keçirir. Lakin Britaniyada ilk dəfədir. Bu, onunla əlaqədardır ki, hələlik
Sotheby's hərraclarda işlərin necə gedəcəyini qiymətləndirə bilmir. Çünki bu incəsənət kataloqlarda az-az olur. Sərginin keçirildiyi həftə ərzində (martın 12-dək) hərrac bazarın qiymətə və işlərin keyfiyyətinə necə reaksiya verəcəyini aydınlaşdırmağa çalışacaq.
“Yol ayrıcında” sərgisi Azərbaycan, Özbəkistan, Ermənistan, Gürcüstan, Qazaxıstan, Qırğızıstan və Tacikistan daxil olmaqla MDB ölkələrinin rəssamlarının əsərlərini əhatə edir.
Sərgi iştirakçısı, dağıstanlı rəssam, “2012-ci ilin “İnnovasiya” mükafatı laureatı Taus Maxaçeva bildirib ki, müxtəlifliyə və nəsillər arasında fərqlərə baxmayaraq, rəssamlıq nöqteyi nəzərindən ekspozisiya heç də hər zaman bu regionun incəsənətində ardıcıllığı üzə çıxarmır. Tahir Salahov, Murad Karabayev, Camal Usmanov, Aleksandr Barkovskidən tutmuş Londonda təhsil alan və tez-tez Qərbdə sərgilər keçirən Maxaçevaya kimi region rəssamlarının ümumi ilham mənbəyi var, məsələn, doğma ölkələrin mənzərəsi kimi.
Qeyd edək ki, bu il Sothby`s Bakıda ilk satış-sərgisini keçirib və onları müntəzəm keçirməyi planlaşdırır. -02D-
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz