Bakı/25.02.20/Turan: Monqolustanın Təhsil Nazirliyinin nümayəndəsi Bayar Duqarsuren Azərbaycan Təhsil Nazirliyinə birgə layihələrin inkişafı haqqında təklif yer alan rəsmi məktub göndərib.
Monqolustan Təhsil Nazirliyinin Ali Təhsil Siyasəti Departamentinin əməkdaşı Bayar Duqarsurenin Turan Agentliyinə verdiyi məlumata görə, təmsil etdiyi idarə Monqolustandan olan tələbələr üçün 10 pulsuz yer ayırmağı xahiş edir.
"Monqolustanlı tələbələr Azərbaycanda ingilis dilində təhsil almaq imkanı əldə etsə yaxşı olardı", deyə Duqarsuren bildirib.
Monqolustan iqtisadiyyatının neft və kimya sahəsində mütəxəssislərə ehtiyacı var, belə ki, 2-3 il sonra bu ölkədə tikilən neft emalı zavodu işə başlayacaq. Hazırda MXR-də çıxarılan neft Çinə ixrac edilir, Monqolustana benzin isə Rusiyadan idxal edilir.
Monqolustanın həmçinin şərqşünaslıq sahəsində ərəb dilini bilən mütəxəssislərə ehtiyacı var.
Duqarsuren özü BDU-da ali təhsil alıb, o, Azərbaycan Ali Məktəblərinin Məzunları İctimai Təşkilatının üzvüdür. Bu məzunlar Monqolustan və Azərbaycan universitetləri arasında əlaqələrin bərpa edilməsini istəyir.
SSRİ-də hər il Monqolustandan Bakıda ali təhsil almaq üçün 10-20 tələbə gəlirdi, indi isə Azərbaycanda Monqolustanlı tələbə yoxdur. Eyni zamanda, Monqolustan ali məktəblərində 1 və ya 2 Azərbaycan vətəndaşı təhsil alır.
Duqarsuren Azərbaycan ali məktəbləri reytinqində birinci yeri tutan "Xəzər" Universitetinə maraq göstərib.
MXR-də ali təhsil ödənişlidir. Tələbələr təhsili başa vurduqdan sonra ən az beş il ölkədə işləmək və götürdükləri krediti qaytarmaq şərtilə xüsusi dövlət fondundan kredit götürə bilirlər, deyə Bayar Duqarsuren bildirib. -0-
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz