Qarabağın eneolit və tunc dövrü arxeoloji abidələri barədə əsər nəşr edilib

Bakı/19.08.21/Turan: Azərbaycan Milli Elmlər Akademiyasının (AMEA) Arxeologiya və Etnoqrafiya İnstitutunun şöbə müdiri, tarix elmləri doktoru Hidayət Cəfərovun “Qarabağın eneolit və tunc dövrü arxeoloji abidələri (1987-ci ildə Mil-Qarabağ arxeoloji ekspedisiyasının Ağdam və Ağcabədi rayonlarında apardığı çöl tədqiqatları əsasında)” adlı elmi monoqrafiyası nəşr edilib.

AMEA Arxeologiya və Etnoqrafiya İnstitutunun İctimaiyyətlə əlaqələr şöbəsinin məlumatına görə, mMonoqrafiyada 1987-ci ildə, erməni işğalı ərəfəsində Hidayət Cəfərovun rəhbərliyi altında Qarabağın Ağdam və Ağcabədi rayonlarında aparılan arxeoloji çöl-tədqiqat işlərinin nəticələri əks olunub.

Əsərdə 1987-ci ildə  Ağdam rayonu ərazisində qeydə alınan Kəngərli, Boyəhmədli, Kürdaşı kurqanları, Maqsudlu kurqanları, Govurqala, Papravənd abidələri, Misirqışlağı, Kültəpə-1 və Kültəpə-2 yaşayış yerləri,  Papravənd daş qutuları, Çuxurməhlə, Qarağaçı, Gülablı, Şıxbabalı (Qaratəpə), Üzərliktəpə, Göytəpə, Suma-Güllücə (Töyrətəpə), Orta Qərvənd, Mirəşəli, Əhmədağalı (Qoşatəpə, Əhmədoğlu, Məscidtəpə, Əzgənlitəpə,Bəlibəy təpələri, Seyid Mustafalar təpəsi), Sarıcalı abidələri, Çəmənli, Xındırıstan, Rəsultəpə abidələr kompleksi, Sarıçoban-Üçoğlan-1 yaşayış yeri və digər abidələr barədə məlumat verilir.   

Nəşrdə həmçinin, Ağcabədi rayonu üzrə Salamattəpə, Sutəpəsi, Çalağantəpə, Mirvaritəpə, Ağtəpə, Səngərtəpə, Dəyirmantəpə, Gərtəpə yaşayış yerləri, Aşıxlıtəpə, Böyüktəpə, Qasımtəpə

Monoqrafiyada 1987-ci ildə aparılan tədqiqatlar zamanı Ağdam rayonu üzrə 90 və Ağcabədi rayonu üzrə 60 abidənin yerləşməsi və dövrü əks olunan cədvəllər, abidələrin və tapıntıların fotoşəkilləri da yer alıb.-0-