Noyabrın 10-13-də Kiyevdə "Adami" media mükafatının (Şərqi Avropada Mədəni Müxtəliflik) beynəlxalq münsiflər heyətinin iclası keçirilib. Müsabiqənin press-relizində yer alan məlumata görə, beynəlxalq münsiflər heyəti müxtəlif milli, etnik, dini və mədəni ənənələrə malik insanların dinc şəkildə birgə yaşamasına şərait yaradan 100-ə yaxın film və onlayn məhsul (video və veb-səhifə) qəbul edib və onlara baxıb.
Ərizələr altı Şərq Tərəfdaşlığı ölkəsindən (Azərbaycan, Ermənistan, Belarus, Gürcüstan, Moldova və Ukrayna) təqdim edilib. Əsərləri Avropa Şərq Tərəfdaşlığı ölkələrindən mədəniyyət mövzusu ilə məşğul olan media nümayəndələrindən ibarət iki münsiflər qrupu qiymətləndirib.
Münsiflər heyətinin qərarı ilə bu il "Adami" mükafatı dörd kateqoriyada təqdim ediləcək.
Proqram direktoru Ştefan Tolts və münsiflər heyətinin üzvləri: Yohannes Qrotski (DW akademiyası), Basa Canikaşvili (Gürcüstanın ictimai yayımçısı) və İradə Əliyeva ("Mədəniyyət üstəgəl", Azərbaycan) dörd nominasiya üzrə namizədləri seçiblər: "Sənədli əsərlər", "Gənc Adami", Ən yaxşı veb-səhifə, Ən yaxşı onlayn video.
Nominantlar arasında Azərbaycandan da əsər var. Bu, Oqtay Namazovun "Qrız kəndində 30 ailə" adlı videodur. "Adami" mükafatının qalibləri dekabrın 10-da Tbilisidə elan ediləcək və mükafatla təltif ediləcək. -02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz