ABŞ-da seçkilərin nəticələri Vaşinqtonun Azərbaycana qarşı siyasətinə necə təsir edəcək

Ötən gecədən başlayaraq, ABŞ-da prezident seçkiləri rəsmi olaraq start götürüb və bir neçə ştatda insanlar seçki məntəqələrinin qarşısında növbəyə düzülüblər.

ABŞ-ın 57-ci prezidenti vəzifəsinə əsas namizədlər məlum olsa da, - bu, hazırki demokrat prezident Barak Obama və respublikaçı Mitt Romnidir, - bülletenlərdə bir sıra digər namizədlərin də adları var.

Məsələn, Liberalların namizədi Gari Cohnson 48 ştatdan namizəddir və bir sıra ştatda əsas namizədlərdən heç də az məşhur deyil.

Ümumiyyətlə, 50 ştatda və Kolumbiya federal dairəsində 240 mln. seçici qeydiyyatdan keçib.

Onlar əsas namizədlər arasında üç teledebatın şahidi olublar.

Seçilən prezident 20 yanvar 2013-cü ildə and içəcək və beləliklə, öz öhdəliklərinin icrasına başlayacaq.

Son illər ərzində ilk dəfə Amerika azərbaycanlıları və türkləri, həmçinin erməni diasporası konkret namizədi dəstəkləmir.

Doğrudur, ilin əvvəllərində Azərbaycan hakimiyyəti çarter reysi ilə ABŞ-a nümayəndə heyəti göndərib. Nümayəndə heyətinin üzvləri ABŞ vitse-prezidenti Baydenlə ödənişli demokratlara dəstək görüşündə iştirak ediblər. Lakin respublikaçılarla da müxtəlif səviyyələrdə belə görüşlər keçirilib.

Seçkilərin nəticələri ABŞ-ın Azərbaycana və türk dünyasına qarşı siyasətinə necə təsir göstərəcək? 

Vaşinqtonun Qafqaz üzrə ekspertlərinin fikrincə, ABŞ siyasətində dəyişikliklər gözlənilmir, amma dəyişiklik olsa belə, kosmetik olacaq”.

“Qarabağ münaqişəsi, Türkiyə-Ermənistan münasibətləri, Yaxın Şərqdə dəyişikliklər yaxın 4 il ərzində rəsmi Vaşinqtonun siyasətində prioritet olaraq qalacaq, əlbəttə ki, bu, region xalqlarının maraqlarına cavab verərsə”, deyə ekspertlərdən biri Turan-ın Vaşinqton müxbirinə bildirib. -06B-