Tbilisi/30.04.18/Turan: ABŞ dövlət katibinin Avropa məsələləri üzrə köməkçisi Uess Mitçell Rusiyanı öz hərbi kontingentini Gürcüstandan çıxarmağa çağırıb.
ABŞ Gürcüstanın ərazi bütövlüyünü və suverenliyini dəstəkləyir, deyə Mitçell Tbilisidə açılan NATO-Gürcüstan Xalq Diplomatiyası Forumunda bildirib.
Onun sözlərinə görə, ABŞ prezidenti Donald Tramp Gürcüstanın NATO-ya inteqrasiyasını dəstəkləyir.
"Donald Tramp 2008-ci il Buxarest sammitinin Bəyannaməsini dəstəkləyir (alyans Ukrayna və Gürcüstanın NATO üzvü olmasına razılıq verib) və NATO iştirakçısı olan ölkələri bu istiqamətdə götürdükləri öhdəlikləri yerinə yetirməyə çağırır", deyə Mitçell bildirib.
Dövlət katibinin köməkçisi xatırladıb ki, NATO baş katibi Yens Stoltenberq də bu məsələdə Gürcüstana konkret dəstək göstərib.
"Gürcüstanın NATO-ya üzvlüyü Rusiyadan və ya hər-hansı başqa ölkədən asılı deyil. Bu, tamamilə Gürcüstanın qərarıdır. Öz gələcəyi ilə bağlı qərarı yalnız Gürcüstan qəbul edə bilər. Heç bir dövlətin Gürcüstanın NATO-ya inteqrasiyasına mane olmaq hüququ yoxdur", deyə ABŞ dövlət katibinin öməkçisi bildirib. -0-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz