Vaşinqton/07.07.23/Turan: Bu gün Bayden administrasiyasının Ukrayna üçün ilk dəfə kaset döyüş sursatları daxil olan yeni hərbi paketi açıqlayacağı gözlənilir. Xəbəri Turan-ın Vaşinqtondakı müxbiri verib.
ABŞ əvvəllər həddindən artıq qeyri-dəqiqliyi ilə əlaqədar ABŞ daxil olmadan, onlarla ölkə tərəfindən qadağan edilmiş kaset döyüş sursatlarını Ukraynaya təqdim etmək istəmirdi.
Lakin cümə axşamı yüksək vəzifəli məmurlar jurnalistlərə bildirblər ki, Rusiyanın döyüş meydanında istifadə etdiyi kaset sursatları xüsusən Rusiyanın möhkəmləndirilmiş mövqelərinə qarşı Ukraynaya da kömək edə bilər.
Ağ Evin mətbuat katibinin köməkçisi Endryu Beyts cümə axşamı təsdiq edib ki, kaset sursatlarının Ukraynaya göndərilməsi "fəal şəkildə nəzərdən keçirilir".
Bu gün Baydenin milli təhlükəsizlik üzrə müşaviri Ceyk Sallivanın bu məsələ ilə bağlı suallara cavab vermək üçün Ağ Evin gündəlik brifinqində iştirak edəcəyi gözlənilir.
Pentaqonun rəsmi nümayəndəsi, briqada generalı Patrik Rayderin sözlərinə görə, ABŞ kaset sursatlarını Ukraynaya göndərsəydi, bu, yalnız partlamamış sursat səviyyəsi aşağı olan parlayıcı maddələr olardı, bu da, onun sözlərinə görə, "açıq aşkar istənilən növ hücum əməliyyatlarında faydalı ola biləcək potensialdır".
Aleks Raufoğlu
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz