1915-ci ildə ermənilərin deportasiyası qeyri-insani addım idi və Türkiyə bunu heç vaxt dəstəkləməyib. Hurriyet Daily News-un müxbirinin verdiyi məlumata görə, bu barədə QİƏT iclasında iştirak üçün Yerevanda səfərdə olan Türkiyənin xarici işlər naziri Ahmet Davutoğlu bildirib.
Səfər çərçivəsində ER XİN rəhbəri Edvard Nalbandyanla ikitərəfli görüş keçirilib.
“Biz Nalbandyanla görüşdən çox məmnunuq, görüş çox səmimi keçib. Əsas məqsəd möhkəm əsaslarla dialoq mühiti yaratmaqdan ibarətdir”, deyə Davutoğlu bildirib.
Türkiyə naziri görüşdən sonra Ermənistana Dağlıq Qarabağın iki rayonunu Azərbaycana qaytarmağı təklif etdiyi haqqında məlumatı təkzib edib.
Davutoğlu iki ölkə arasında kollektiv təfəkkürün “ədalətli yaddaşın” köməyilə yaradılacağına ümid etdiyini bildirib.
“Ədalətli yaddaş” deyərkən onu nəzərdə tuturuq ki, biz faktları bilməliyik. Onda görəcəyik ki, Ermənistan-Türkiyə münasibətləri alman-yəhudi münasibətləri ilə müqayisə oluna bilməz.
1915-ci ildə ermənilərin deportasiyasın yanlış, qeyri-insani addım idi”, deyə Davutoğlu qeyd edib.
Bu zaman o əlavə edib ki, rəsmi Yerevan Ankaranın Birinci Dünya Müharibəsi zamanı baş vermiş deportasiyanı soyqırım kimi qəbul etməsini istəyir, amma Türkiyə israrla bundan imtina edir.
“Lakin belə bir yanaşma zamanı tarixi yazanlar xatırlamalıdırlar ki, Türkiyədə ermənilərin satqınlıq etdiyini düşünürlər və deportasiyaya da bu səbəb olub”.
Davutoğlu qeyd edib ki, bu iki stereotipi aşmaq lazımdır. O, Türkiyənin bunu hələ 2005-ci ildə stereotipləri aşdığını, Ermənistanın isə hələ də aşmadığını vurğulayıb.
Türkiyə naziri qeyd edib ki, ölkəsinin əsas məqsədi Ermənistan-Türkiyə sərhədinin açılması deyil. “Əsas məqsəd regionda hamını qane edəcək sülhün qurulması üçün yol açacaq əsaslar formalaşdırmaqdır”, deyə diplomat qeyd edib.
Onun sözlərinə görə, bunun üçün üç əsas zəmin, xüsusən Türkiyə və Azərbaycan arasında münasibətlər, Azərbaycan-Ermənistan münasibətləri və türklər və ermənilər arasında münasibətlər lazımdır. -02D-
Siyasət
-
Strasburqda Avropa Sarayında Avropa Şurası Parlament Assambleyasının qış sessiyasında "Azərbaycanda insan hüquqları sahəsində narahatlıq doğuran böhrana” həsr olunmuş "paralel tədbir" keçirilib.
-
ABŞ Prezidenti Donald Tramp cümə günü Ukraynadakı müharibənin dayandırılması üçün danışıqların davam etdiyini, münaqişənin həllinə sadiq qaldığını, lakin bunun çətinliklərlə dolu olduğunu etiraf etdi.
-
ABŞ-ın CBS telekanalının cümə axşamı verdiyi məlumata görə, Pensilvaniya ştatının Filadelfiya şəhərində kiçik tibb aviasiyasına məxsus LEAR-55 tipli təyyarə yaşayış ərazisinə düşüb. Göyərtədə ekipaj üzvləri də daxil olmaqla altı nəfər olub.
-
Özbəkistanın Xarici Vətəndaşların Vizası və Qeydiyyatı İdarəsinin (UVVİOG) və Azərbaycanın Dövlət Miqrasiya Xidmətinin nümayəndələri biometrik ID kartların sərhəd keçidi üçün qarşılıqlı tanınması məsələsini müzakirə etmək məqsədilə onlayn danışıqlar apardılar. Görüşdə hər iki ölkənin Xarici İşlər Nazirliklərinin konsulluq və hüquq departamentlərinin əməkdaşları da iştirak etdilər, Dunyo xəbər agentliyi məlumat verib.
Rəy yaz