ABŞ-ın Azərbaycandakı yeni səfiri Riçard Morninqstar qarşıdakı iki həftə ərzində Bakıya gələcək. Bu barədə səfir özü Turan-ın Vaşinqton müxbirinə bildirib.
Çərşənbə günü diplomat ABŞ-Azərbaycan Ticarət Palatasında çıxış edib. Bu, onun yeni vəzifədə qatıldığı ilk ictimai tədbirdir.
Səfirlə söhbətə yerli amerikalılar, azərbaycanlılar və region üzrə çalışan təhlilçilər gəliblər. Görüş və səfirin çıxışı mətbuat üçün qapalı keçirilib.
Eyni zamanda, səfirlə söhbət edən amerikalılar görüşdən sonra Turan-ın müxbirinə Azərbaycana iş və şəxsi məqsədlərlə gedərkən üzləşdikləri viza problemlərindən danışıblar.
Belə ki, onların əksəriyyətinin viza müraciəti Azərbaycanın Vaşinqtondakı nümayəndəliyi tərəfindən “bəzən aylarla” yubadılır.
“Ümid edirik ki, yeni səfirin Bakıdakı fəaliyyəti və səyləri nəticəsində bu problem tezliklə həllini tapar”, - onlar bildiriblər. -25B-
Siyasət
-
Fevralın 6-da Vaşinqtonda Ermənistanın baş naziri Nikol Paşinyan ABŞ-ın vitse-prezidenti Ceyms Vensla görüşüb.
-
Dövlət başçısının 7 fevral tarixli sərəncamı ilə Anar Əliyev əmək və əhalinin sosial müdafiəsi naziri təyin edilib. Bundan əvvəl nazir müavini olub.
-
Azərbaycanın “Azel” TV saytının rəhbəri, Bakının sorğusu əsasında Gürcüstanda həbs edilmiş Əfqan Sadıqov fevralın 2-də başladığı quru alcığı fevralın 6-da dayandırıb. Lakin əvvəlkitək yeməkdən imtina edir və ancaq su içir. Onun aclığı 142 gündür ki, davam edir, fevralın 7-də xanımı Sevinc Sadıqova Turan agentliyinə bildirib.
-
Rusiya prezidenti Vladimir Putin Azərbaycanın AZAL aviaşirkətinə məxsus təyyarənin qəzaya uğramasına dair bəyanatla çıxış etməyi planlaşdırmır. Bu barədə cümə günü Rusiya prezidentinin mətbuat katibi Dmitri Peskov jurnalistlərə bildirib.
Rəy yaz