Dünya şöhrətli müğənni və bəstəkar Müslüm Maqomayevin 70 illiyinə (avqustun 17-də qeyd olunur) həsr olunmuş poçt markası buraxılıb. Markanı Rabitə və İnformasiya Texnologiyaları Nazirliyinin “Azərmarka” şirkəti buraxıb.
100 min tiraj ilə buraxılan markanın nominal dəyəri 50 qəpikdir (0,63 dollara yaxın). Bu barədə RİAN məlumat yayıb.
Şənbə günü Dövlət Filarmoniyasının kamera və orqan musiqisi zalında müğənninin xatirəsinə həsr olunmuş konsert keçiriləcək. Konsertdə M.Maqomayevin həyatına dair film nümayiş etdiriləcək.
M.Maqomayev 2008-ci ildə 67 yaşında vəfat edib. Onun konsert repertuarına 600-dən çox əsər daxil olub: rus romansları, klassik, estrada və neapolitan mahnılar. O, “Nizami”, “Oxuyur Müslüm Maqomayev, “Moskva notlarda” filmlərində çəkilib
20-dən çox mahnının və film musiqisinin müəllifidir. Həmçinin amerikalı müğənni Mario
Lansanın həyat və yaradıcılığına dair silsilə televiziya verilişlərinin müəllifi və aparıcısı olub, onun haqqında kitab yazıb. 1997-ci ildə Günəş sisteminin astronomlar tərəfindən 1974 SP1 kodu ilə tanınan kiçik planetlərindən biri onun şərəfinə “4980 Magomaev" adlandırılıb. --0--
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz