Алескер Мамедли
Bakı/02.08.18/Turan: "APA-ya giriş bloklanmayıb, bəzi saytlardan fərqli olaraq, agentliyin fəaliyyəti dayandırılıb". Bu fikri "Azadlıq radiosu"na media üzrə ekspert Ələsgər Məmmədli avqustun 1-dən etibarən agentliyin internet resurslarına girişin mümkün olmaması ilə bağlı bildirib.
Ekspert qeyd edir ki, hələlik rəsmi açıqlama olmadığı üçün media qurumunun fəaliyyətini dayandırmasının səbəbini birmənalı anlamaq olmur: "Amma yayılan, elə agentliyin özünün istər prezidentdən, istərsə də oxuculardan üzrxahlıq istəməsi bunun yanlışla bağlı olduğunu deməyə əsas verir. Amma hətta belə olubsa da, bir media qurumunun fəaliyyətini dayandırmasına səbəb ola bilməz".
Ekspert bildirib ki, belə halda "KİV haqqında" Qanunun uyğun maddəsinə əsasən, səhvə yol verən tərəf haqq sahibindən və oxuculardan üzr istəyirsə, bu iş elə üzrlə də bitir və hüquqi müstəvidə həllini tapmış olur.
Ə.Məmmədli xatırladıb ki, bu cür halın baş verməsi Azərbaycanda ilk dəfə deyil, ANS telekanalına, "Zerkalo" qəzetinə qarşı oxşar kənar inzibati müdaxilələr olub: "İndiki halda belə bir sual meydana çıxır ki, bu qərar kollektivin, yoxsa media qurumunun real sahibinin qərarıdır. Çünki agentlik rəhbəri 200-ə qədər əməkdaşı olan bir qurumu fəaliyyətdən sala bilməz, bu, ictimai məsuliyyət yaradır. Fikrimcə, bu, qurumun real sahibinin qərarıdır".
Ə.Məmmədliyə görə, müdaxilə halları ona görə baş verir ki, belə qurumların maddi mənbələri şəffaf deyil, iqtisadi dayanıqlığı yoxdur, ayrı-ayrı məmurlardan asılı durumdadır.
Ekspert yaranmış durumu həm də ölkədə media azadlığının olmaması göstəricisi kimi dəyərləndirir.
Avqustun 1-də dövlət başçısı İlham Əliyev Qaradağ rayonunda müharibə veteranlarına, Çernobıl əlillərinə ev və maşınlar hədiyyə edib. Burada çıxış edib. APA-nın dövlət başçısının çıxışının Ermənistanla bağlı hissəsində yanlışlığa yol verilib. Redaksiya buna görə prezidentdən və oxuculardan üzr istəyib, amma bununla belə agentliyin fəaliyyəti dayandırılıb, agentliyin saytlarına giriş mümkün deyil. -16D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz