Bu gün Apellyasiya Məhkəməsi Azərbaycan Prezident Administrasiyasının keçmiş işlər müdiri Akif Muradverdiyevin girov müqabilində azad edilməsi haqqında şikayəti təmin etməyib.
Muradverdiyevin vəkili Fuad Ağayevin Turan-a verdiyi məlumata görə, şikayət Səbail rayon məhkəməsinə verilib, məhkəmə şikayəti təmin etmədikdən sonra Ali Məhkəməyə müvafiq şikayət verilib.
Muradverdiyevə qarşı irəli sürülmüş ittihama əsasən, girov məbləği 10 min manat təşkil edir.
Məhkəmə şikayəti təmin etməməsini Muradverdiyevin azadlığa çıxarsa, istintaqdan yayına biləcəyi ilə əsaslandırıb.
Xatırladaq ki, Muradverdiyev iyunun 20-də Moskvaya gedən təyyarəyə minik zamanı həbs edilib. O, yoxlamadan keçdikdən sonra əl çantasında 40 qızıl sikkə tapılıb. Lakin Muradverdiyev bildirib ki, sikkələr onun üzərinə sonradan qoyulub.
Ona qarşı 206.1-ci (qaçaqmalçılıq) maddə ilə cinayət işi açılıb. -16B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz