Apellyasiya Məhkəməsi Yadigar Sadıqov barəsində cəza müddətini 4 ilə qədər azaltdı

Bu gün Şirvan Apellyasiya Məhkəməsində 6 il müddətinə azadlıqdan məhrum edilmiş Müsavat Partiyası sədrinin müşaviri Yadigar Sadıqovun şikayətinə baxılması prosesi başa çatıb.

Məhkəmə onun şikayətini qismən təmin edib və cəza müddətini 4 ilə qədər azaldıb. Bu barədə Turan-a Sadıqovun vəkili Adil İsmayılov bildirib.

Onun sözlərinə görə, müdafiə tərəfi bəraət hökmü çıxarılmasını istəyirdi və cəzanın yumşaldılmasına baxmayaraq, çox güman ki, bu qərarda kassasiya şikayəti veriləcək.

* Yadigar Sadıqov 2013-cü il iyunun 27-də iyunun 25-də Lənkəran şəhərində çayxanada Sadıqovun onu döydüyünü iddia edən yerli sakin Rəşid Kərimovun şikayəti ilə saxlanılıb. Bu zaman Kərimovun bəyanatı hələ Sadıqovun saxlanılmasından əvvəl hökumətyönlü və dövlət KİV-lərində yayılıb. 2014-cü il yanvarın 13-də Sadıqov 6 il müddətinə azadlıqdan məhrum edilib.

Hüquq müdafiə təşkilatları Sadıqovun siyasi motivlərlə, müxalif fəaliyyətinə və sosial şəbəkələrdə fəallığına görə təqib edildiyini hesab edirlər.

Sülh və Demokratiya İnstitutu onu “İsaxan Aşurov adına” mükafata layiq görüb. -06B-