“AŞPA get-gedə qeyri-ciddi bir təşkilat halını alır” – Hikmət Babaoğlu
“AŞPA get-gedə qeyri-ciddi bir təşkilat halını alır” – Hikmət Babaoğlu
Oktyabrın 1-də Avropa Şurası Parlament Assambleyasının Strasburqda keçirilən sessiyasında "Azərbaycanda insan hüquqları, qanunun aliliyi və demokratiya ilə bağlı vəziyyətin pisləşməsi" mövzusunda müzakirələr təşkil olunub.
Müzakirə zamanı Azərbaycan üzrə məruzəçi, norveçli deputat Liz Kristofersen bildirib ki, COP29 yaxınlaşdıqca Azərbaycanda hadisələr "pis istiqamətdə" inkişaf etməyə davam edir.
Onun sözlərinə görə, sentyabrın 1-də Azərbaycanda keçirilən parlament seçkiləri demokratik standartlara uyğun keçirilmədi.
Məruzəçinin sözlərinə görə, sentyabrın 1-də seçkilər özgəfikirliliyə qarşı davam edən repressiyalar, söz azaldığı və toplaşma azaldığının sərtləşdirilməsi, siyasi fəallara, vətəndaş cəmiyyətinə və KİV nümayəndələrinə qarşı davam edən repressiyalar fonunda keçirilib.
AŞPA-nın bəzi deputatlar Azərbaycanı insan hüquqları vəziyyətinə görə tənqid etsələr də, bəziləri Azərbaycan nümayəndə heyətinin Avropa Şurası Parlament Assambleyasına qaytarılmasını və mövcud məsələlərlə bağlı birbaşa dialoqun aparılmasını təklif ediblər.
Milli Məclisin hakim Yeni Azərbaycan Partiyasından deputatı Hikmət Babaoğlu Turana AŞPA-nın get-gedə qeyri-ciddi bir təşkilat halını aldığına görə təəssüf etdiyini bildirib: "O, Azərbaycana münasibətdə demokratiyanın bütün təməl prinsiplərini pozur. Demokratiya o vaxt mümkün olur ki, orada fərqli fikirlərə sahib olan hər iki tərəf olsun və hər iki tərəfin fikirləri dinlənilsin. AŞPA bir tərəfdən Azərbaycanın orada iştirakına qarşı qərar qəbul edir, o tərəfdən də Azərbaycanla bağlı müzakirələri təşkil edir. Bu, həm AŞPA-nın nizamnamə prinsiplərinə, həm demokratiyanın təməl prinsiplərinə ziddir".
Deputatın fikrincə, AŞPA getdikcə qlobal imperializmin aləti olan Avropanın hər hansı qeyri-hökümət təşkilatına çevrilir.
"Hansı ki, insan hüquqları sahəsi üzrə ixtisaslaşıb və kiminsə əlində alətdir, hansısa dövlətin üzərində təzyiq qurmaq üçün imperialist alət kimi çıxış edir. Ona görə mən düşünürəm ki, həmin müzakirələr yersiz, tamamilə yanlış bir məsələ idi. Azərbaycana dost ölkələrdən olan nümayəndələr də buna etiraz bildirdilər".
Eyni zamanda H.Babaoğlu hesab edir ki, Azərbaycan demokratik dəyərlərinə yüksək qiymət verən bir ölkədir və insan hüquqları, demokratiya ilə bağlı mövcud bütün institutları ilə əməkdaşlıq etməyə hazırdır: "Əgər AŞPA öz qeyri-demokratik mövqeyindən geri çəkilərsə, Azərbaycan yenidən AŞPA-da fəaliyyət göstərə bilər".
-
- Cəmiyyət
- 3 Oktyabr 2024 15:07
Siyasət
-
"Vidadi İsgəndərlinin zorakı qətli səmərli və operativ şəkildə araşdırılmalıdır. Fransa hakimiyyətini onun mühacirətə getməsinə səbəb olan Azərbaycan prezidentinin və hökumətinin tənqidi də daxil olmaqla, qətlin bütün mümkün motivlərini nəzərdən keçirməyə çağırırıq. Bu mənfur cinayət təcili araşdırılmalıdır və ədalətli məhkəmə təhqiqatı zamanı bu cinayətdə şübhəli bilinən hər kəs məsuliyyətə cəlb edilməlidir". Bu barədə Amnesty İnternational təşkilatının Cənubi Qafqaz üzrə nümayəndəsi Natalya Nozadzenin bəyanatında bildirilir.
-
2-3 oktyabr tarixlərində Rusiyanın Xarici Kəşfiyyat Xidmətinin direktoru Sergey Narışkin Bakıya rəsmi səfərə gəlib. Səfər zamanı Azərbaycan prezidenti İlham Əliyev və Azərbaycanın Xarici Kəşfiyyat Xidmətinin və Dövlət Təhlükəsizliyi Xidmətinin rəhbərliyi ilə görüşlər keçirilib.
-
Belarus və Azərbaycan münasibətlərini geosiyasi ittifaqlar deyil, qarşılıqlı mənfəət əsasında möhkəmləndirir, bu barədə oktyabrın 3-də Belarus prezidenti Aleksandr Lukaşenko Azərbaycan baş naziri Əli Əsədovla görüşündə bildirib. Minskdə aparılan danışıqlar xüsusən dəyişən regional dinamika fonunda iki keçmiş sovet respublikası arasında tərəfdaşlığın dərinliyini üzə çıxarıb.
-
Varşavada ATƏT DTİHB-nin İnsan Ölçülməsi Konfransı ərəfəsində Gürcüstanda Azərbaycanın Azel TV saytının təsisçisi Əfqan Sadıqovun həbs edilməsi məsələsi qaldırılıb.
Rəy yaz