![president.az](https://turan.az/resized/media/2019/main/091200021659-750-500-resize.webp)
president.az
AŞPA rəhbəri Əliyevlə insan hüquqları sahəsində vəziyyəti müzakirə edib
Bakı/12.09.19/Turan: Cümə axşamı prezident İlham Əliyev Bakıda rəsmi səfərdə olan AŞPA rəhbəri Lilian Mori Paskieni qəbul edib.
Dövlət başçısının saytında yer alan məlumata görə, söhbət zamanı Paskienin Azərbaycanla tanışlığının, müxtəlif səviyyələrdə keçirilən görüşlərin və aparılan müzakirələrin Azərbaycan və AŞ arasında əlaqələrin inkişaf etdirilməsi üçün yaxşı imkanlar yaratdığı qeyd olunub.
Həmçinin, bu il Avropa Şurasının təsis edilməsinin 70 illiyi çərçivəsində keçirilən tədbirlərin önəmi vurğulanıb.
Tərəflər Azərbaycan-Avropa Şurası əməkdaşlığının müxtəlif aspektləri geniş müzakirə edilib, Azərbaycanın Avropa Şurası çərçivəsində mövcud olan konvensiyalara qoşulması və bu istiqamətdə ölkəmizin qanunvericiliyinin uyğunlaşdırılması məsələlərinə toxunulub. Azərbaycanda insan haqlarının qorunması, demokratik inkişafla bağlı məsələlər də müzakirə edilib.
Avropa Şurasının gündəliyində duran və qarşılıqlı maraq doğuran məsələlərə dair ətraflı fikir mübadiləsi aparılıb. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz