Avropa İttifaqı Transxəzər qaz kəməri layihəsini dəstəkləyəcək
Bakı/23.10.18/Turan: Avropa İttifaqının nümayəndələri Türkmənistanın Brüsseldəki nümayəndə heyəti ilə danışıqlarda Transxəzər qaz kəmərinin tikintisinə investisiya cəlb edilməsinə hazır olduqlarını bildiriblər, xəbəri Türkmənistan KİV-ləri yayıb.
"Aİ Transxəzər qaz kəmərinin tikintisinə və Avropaya Türkmənistan qazının nəqlinə böyük maraq göstərib. Avropa İttifaqı bu mühüm enerji layihəsinə investisiya cəlb etməyə hazır olduğunu bildirib", deyə Türkmənistan hökumətinin Brüsselə səfərinin və Energetika üzrə Avropa Komissarı Maroş Şevkoviçlə danışıqların yekunları üzrə müşavirədə Türkmənistan XİN başçısı Rəşid Meredov bildirib.
Onun sözlərinə görə, Türkmənistan ən az 30 il boyunca hər il Avropaya 30 milyard kubmetr qaz ixrac etməyə hazırdır.
Xatırladaq ki, Meredov Brüsselə səfərindən əvvəl Bakıya gəlib, burada Azərbaycan sahilinə qədər Transxəzər qaz kəmərinin tikintisi və daha sonra onun TANAP qaz kəmərinə qoşulması üçün mümkün şərtləri müzakirə edib. -02D-
-
- Siyasət
- 23 Oktyabr 2018 17:26
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz